Çdo armëpushim që arrihet me Hezbollahun mbi Libanin duhet të garantojë sigurinë e Izraelit. Kështu u tha kryeministri izraelit Benjamin Netanyahu, dy të dërguarve amerikanë të presidentit Joe Biden, Brett McGurk dhe Amos Hochstein, të cilët ndodhen në Izrael për të udhëhequr bisedimet që synojnë arritjen e një marrëveshjeje për t'i dhënë fund luftës në Liban dhe Rripin e Gazës.
Nga ana tjetër, zyrtari i lartë i Hamasit, Taher al-Nounou, ka deklaruar për AFP se grupi palestinez është kundër propozimiy për një armëpushim të përkohshëm në enklavën palestineze.
Sulmet izraelite gjatë mbrëmjes së djeshme (30 tetor) në Liban vranë 19 persona, duke përfshirë tetë gra, në dy qytete në rajonin Baalbek.
Lajmi është bërë i ditur nga Ministria e Shëndetësisë e Libanit.
Ndërkohë, ish-presidenti amerikan Donald Trump i ka thënë kryeministrit izraelit Benjamin Netanyahu se ai dëshiron që Izraeli t'i japë fund luftës në Gaza me kthimin e tij eventual në presidencë, nëse ai fiton zgjedhjet.
Dy burime të njohura me këtë çështje e zbuluan këtë për Times of Israel.
Taher al-Nounou
Hamasi kundërshton propozimin për një armëpushim të përkohshëm për Rripin e Gazës. Një zyrtar i lartë i Hamasit, Taher al-Nounou, deklaroi këtë për AFP.
"Ne kemi shprehur tashmë qëndrimin tonë për idenë e një armëpushimi të përkohshëm në luftë, nëse ajo nuk shërben për asnjë qëllim tjetër përveç rifillimit të agresionit në një kohë të mëvonshme," tha al-Nounou.
"Hamasi thekson nevojën për një përfundim të përhershëm dhe jo të përkohshëm të luftës," shtoi ai.
Edhe në negociatat e mëparshme, grupi palestinez ka këmbëngulur gjithmonë në nevojën për një armëpushim të përhershëm dhe tërheqjen e ushtarëve izraelitë nga enklava palestineze.
Annalena Baerbock
Marrëdhëniet midis Iranit dhe Gjermanisë janë "në nivelin e tyre më të ulët ndonjëherë". Kështu tha ministrja e Jashtme gjermane, Annalena Baerbock, pasi Berlini njoftoi mbylljen e tre konsullatave iraniane në Gjermani pas ekzekutimit në Republikën Islamike të Jamshid Sharmahd, shtetasit gjermano-iranian.
Për Baerbock, çështja Sharmahd tregon se "regjimi i padrejtësisë" vazhdon të veprojë brutalisht.
Nga Nju Jorku, Baerbock akuzoi “regjimin” se dinte vetëm gjuhën e shantazhit, kërcënimit dhe dhunës.
“Ne i kemi bërë të qartë Iranit në mënyrë të përsëritur, pa mëdyshje, se ekzekutimi i një shtetasi gjerman do të kishte pasoja të rënda”, shtoi ajo, duke përsëritur se Gjermania nuk ka ndërmend të mbyllë ambasadën iraniane në Berlin.
Benjamin Netanyahu
Çdo armëpushim që arrihet me Hezbollahun mbi Libanin duhet të garantojë sigurinë e Izraelit. Kështu u tha kryeministri izraelit Benjamin Netanyahu, dy të dërguarve amerikanë të presidentit Joe Biden , Brett McGurk dhe Amos Hochstein .
Të dërguarit e SHBA-së për Lindjen e Mesme, Hochstein dhe McGurk, mbërritën në Izrael për të udhëhequr bisedimet që synojnë arritjen e një marrëveshjeje për t'i dhënë fund luftës në Liban dhe Rripin e Gazës.
Lajme të tjera
-
Kërcimi viral i Donald Trump për Krishtlindje (VIDEO)
25 Dhjetor, 13:29 -
Krishtlindje lufte në Palestinë! Të krishterët në kërkim të shpresës, Betlehemi kthehet në një qytet të trishtuar
25 Dhjetor, 12:54 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45
