Lufta/ Hamasi merr përgjegjësinë për të sulmin në Jeruzalem! Izraeli: Hamasi shkeli armëpushimin me sulmin e fundit

Vajza e buzëqeshur që shihni në foto është një nga pengjet e Hamasit, e cila u mbajt rob për 55 ditë me radhë.

Ajo quhet Mia Schem, 21 vjeçe dhe shfaqet e buzëqeshur teksa transportohet nga një fugon i Kryqit të Kuq, i cili po del me shpejtësi nga Gaza drejt kufirit me Izraelin.

Ajo u la i lirë së bashku me 40-vjeçarin Amit Soussana, një tjetër peng i Hamasit.

Më shumë pengje pritet të lirohen këtë mbrëmje, megjithëse nuk kemi asnjë konfirmim për diçka të tillë.

Blinken dhe Netanyahu në Izrael, 30 Nëntor 2023

Sekretari i Shtetit i Shteteve të Bashkuara, Anthony Blinken, i kërkoi sot (30 Nëntor) kryeministrit izraelit Benjamin Netanyahu që të “mbrojte civilët” në Rripin jugor të Gazës nëse një armëpushim me Hamasin përfundon dhe operacionet ushtarake rifillojnë.

Gjatë takimit të tyre në Tel Aviv këtë mëngjes, Sekretari amerikan i Shtetit “theksoi nevojën për të përmbushur nevojat humanitare dhe për të mbrojtur civilët në Gazën jugore përpara çdo operacioni ushtarak “, sipas një deklarate të Departamentit të Shtetit.

Anthony Blinken gjithashtu i bëri thirrje gjyqësorit izraelit të ndjekë penalisht “kolonët ekstremistë që kryejnë mizori kundër palestinezëve në Bregun Perëndimor.

Ditën e sotme, Sekretari i Shtetit i Shteteve të Bashkuara ndodhet në Ramallah në Bregun Perëndimor të pushtuar ku është takuar me presidentin e Autoritetit Palestinez, Mahmud Abbas.

Benjamin Netanyahu

Seancat në gjyqin e kryeministrit izraelit, Benjamin Netanyahu, për korrupsion, mashtrim dhe shpërdorim detyre rifillojnë javën e ardhshme. 

Lajmin e ka bërë të ditur prokuroria.

Djali i liderit të Hamasit

Djali i një prej themeluesve të Hamasit i ka bërë thirrje Izraelit të vrasë babain e tij nëse grupi nuk i liron të gjithë pengjet. Mosab Hassan Yousef, djali i Sheikh Hassan Yousef, i bëri thirrje Izraelit t’i jepte Hamasit një afat kohor për të liruar të gjithë pengjet ose për të vrarë liderët e tij, përfshirë babanë e tij.

“Izraeli nuk mund të vazhdojë kështu. Hamasi duhet të ketë një afat kohor, një ose dy ose gjashtë muaj për të kthyer pengjet, dhe nëse nuk i kthen pengjet brenda kornizës kohore, Izraeli duhet të ekzekutojë liderët e lartë të Hamasit në burg. Kur them ekzekutoni liderët e lartë, e kam fjalën për të gjithë pa përjashtim. Këtu përfshihet edhe babai im. Kam bërë një gabim, 10 apo 15 vjet më parë, kur i kam shpëtuar jetën shumë herë.  Ai duhet të kishte vdekur për veprimet e tij. Unë i shpëtova jetën. Gjërat nuk ndryshuan, gjërat u përkeqësuan”, tha Mosab Hassan Yousef.

45-vjeçari, i cili punoi në fshehtësi si spiun për Izraelin midis viteve 1997 dhe 2007, tha se vrasja e udhëheqësve të Hamasit dhe kthimi i pengjeve izraelite do të ishin humbje për Hamasin, raporton Jerusalem Post.

Youssef tha se nuk ishte dakord me kompromisin e Izraelit për lirimin e të burgosurve në këmbim të pengjeve, sepse ish të burgosurit do të vazhdonin të vrisnin “njerëz shumë më të pafajshëm” dhe se kriminelët nuk duhet të “shpërblehen” për krimet e tyre.

Babai i Yusef u lirua për herë të fundit nga një burg izraelit në korrik të këtij viti pasi kaloi 21 muaj në burg. Lideri i Hamasit ka qenë brenda dhe jashtë burgut për më shumë se dy dekada, sipas Middle East Monitor.

Për disa ditë Hamasi ka liruar grupe pengjesh në këmbim të të burgosurve. Kryqi i Kuq izraelit priti grupin e gjashtë të mërkurën.

Ushtarët e Hamasit

Hamasi ka marrë përgjegjësinë për të shtënat në një stacion autobusi në Jerusalem mëngjesin e sotëm, ku 3 persona humbën jetën dhe 16 të tjerë u plagosën. Në një deklaratë në Telegram, Hamasi vlerësoi krahun e tij ushtarak, Brigadat Al Qassam, për atë që ata e quajtën “operacionin heroik të Jeruzalemit”.

Ai i emëroi sulmuesit si Murad Muhammad Nimr, 38 vjeç dhe Ibrahim Muhammad Nimr, 30 vjeç, për të cilët policia izraelite tha se u vranë në vendngjarje.

“Ky operacion erdhi si një përgjigje ndaj krimeve të paprecedentë të pushtimit, duke përfshirë masakrat brutale në Rripin e Gazës dhe vrasjen e fëmijëve në Jenin, dhe shkeljet e shumta ndaj të cilave të burgosurve tanë që janë të ekspozuar në burgjet izraelite”, thuhet në deklaratë.

Hamasi përsëriti thirrjet e tij për “përshkallëzimin e rezistencës”.

Presidenti izraelit, Isaac Herzog

Presidenti izraelit, Isaac Herzog pritet të marrë pjesë në COP28 në Dubai, ku do të zhvillojë bisedime me diplomatët për lirimin e pengjeve të mbajtura nga Hamasi.

Presidenca izraelite tha se Herzog do të mbajë një “seri takimesh diplomatike mbi rëndësinë e lirimit të pengjeve të mbajtura nga Hamasi” gjatë bisedimeve të OKB-së për klimën, ku do të marrë pjesë edhe presidenti palestinez Mahmud Abbas.

Ai “synon të angazhojë liderët botërorë në një përpjekje humanitare të nivelit të lartë për të kthyer pengjet”, tha presidenca izraelite në një deklaratë.

Foto ilustruese në Jerusalem

Mëngjesin e sotëm (30 Nëntor), dy terroristë hapën zjarr në një stacion autobusi në një periferi të Jerusalemit, duke vrarë të paktën tre persona, dyshoheshin si operativë të Hamasit. 

Këtë e saktësoi ministri izraelit për Sigurinë Kombëtare, Itamar Ben Gvir, duke saktësuar se dy terroristët jetonin në Tzur Bahar, në Jerusalemin Lindor. 

Qindra plumba u gjetën në makinën me të cilën po udhëtonin. Duke iu referuar ndërhyrjes së dy ushtarëve dhe një civili që “neutralizuan” dy sulmuesit në vendngjarje, ministri shpjegoi se veprimi i tyre tregon “sa e rëndësishme është politika e shpërndarjes së armëve” për civilët.

Po ashtu ka reaguar edhe Ministri izraelit Benny Gantz tha se sulmi terrorist i mëngjesit të sotëm në Jerusalem forcon vendosmërinë e Izraelit për të vazhduar luftën kundër Hamasit në Gaza:

"Ky sulm terrorist është një provë tjetër e detyrimit tonë për të vazhduar luftën me forcë dhe vendosmëri kundër terrorizmit vrasës që kërcënon qytetarët tanë. Jerusalem, në Gaza, në Jude dhe Samari dhe kudo”, shkruan Gantz në X, duke përdorur emrin biblik të Bregut Perëndimor.

Antony Blinken

"Ky proces ka dhënë rezultate. Është i rëndësishëm dhe shpresojmë që të vazhdojë", tha sot, sipas radios ushtarake, Sekretari i Shtetit Antony Blinken në fillim të një takimi me kreun e shtetit Isaac Herzog. 

Ai i referohej ndërmjetësimit të vazhdueshëm për zgjatjen e armëpushimit në Gaza. 

"Ne  do të vazhdojmë bisedimet me qeverinë izraelite në lidhje me situatën në Gaza", tha Blinken.

Momenti i kamionëve duke hyrë në Gaza

Organizata Botërore e Shëndetësisë (OBSH) njoftoi të mërkurën se ka dërguar karburant në dy spitale në veri të Rripit të Gazës.  Që nga fillimi i sulmeve në Gaza më 7 tetor, Izraeli ndaloi hyrjen e karburantit në enklavë.

Por, ditët e fundit nën mbikëqyrjen e OKB-së në Gaza kanë hyrë sasi të vogla, sasi shumë të kufizuara prej të cilave kanë arritur në pjesët veriore të enklavës.

“OBSH-ja dhe partnerët dërguan 7.000 litra karburant në Spitalin Arab Al-Ahli dhe 3.500 litra në spitalin Al Sahaba në veri të Gazës”, tha drejtori i përgjithshëm i OBSH-së, Tedros Adhanom Ghebreyesus.

Ai tha se autokolona që arriti në dy spitalet dërgoi gjithashtu furnizime shëndetësore, duke përfshirë ilaçe dhe komplete kirurgjikale.

“Aktivitetet e sotme ishin të fundit në angazhimin e vazhdueshëm të OBSH-së për të ofruar ndihmë për shpëtimin e jetëve për spitalet, punonjësit e shëndetësisë dhe pacientët”, shtoi ai.

Pothuajse të gjithë spitalet në qytetin e Gazës dhe zonat veriore të Gazës mbetën jofunksionale për shkak të sulmeve izraelite dhe mungesës së karburantit, me përjashtim të disa spitaleve që ende funksionojnë pjesërisht, duke përfshirë Spitalin Arab Al-Ahli, Spitalin Al-Awda dhe Spitalin Kamal Adwan, sipas deklaratës së mëparshme të Ministrisë së Shëndetësisë në Gaza.

Katari njoftoi për marrëveshjen e re të hënën vonë për vazhdimin e pauzës humanitare në Gaza, fillimisht katër-ditore për dy ditë të tjera, sipas së cilës do të kryhen shkëmbime të tjera të të burgosurve.

Izraeli nisi një fushatë masive ushtarake në Rripin e Gazës pas një sulmi ndërkufitar nga grupi palestinez Hamas më 7 tetor. Që nga ajo ditë janë vrarë mbi 15.000 palestinezë, duke përfshirë 6.150 fëmijë dhe 4.000 gra, sipas autoriteteve shëndetësore në enklavë. Numri zyrtar i të vdekurve në Izrael është 1.200.

Joe Biden

Presidenti i Emirateve të (EBA), Sheikh Mohammed bin Zayed Al Nahyan dhe presidenti i SHBA-së, Joe Biden diskutuan për marrëdhëniet dypalëshe dhe zhvillimet në rajon. Sipas lajmit të agjencisë zyrtare të EBA-së, WAM, Al Nahyan dhe Biden kanë patur një bisedë telefonike.

Gjatë bisedës u diskutuan zhvillimet në Palestinë, rëndësia e punës për ndalimin e përhershëm të konfliktit në Gaza dhe krijimi i mekanizmave të përhershëm dhe të sigurt për dërgimin e ndihmave humanitare për banorët e Gazës.

Gjatë bisedës u theksua rëndësia e përpjekjes për paqe gjithëpërfshirëse, të drejtë dhe të qëndrueshme mbi bazën e zgjidhjes me dy shtete në Lindjen e Mesme lidhur me çështjen e Palestinës ndërsa u tha se zgjidhja me dy shtete është rruga për forcimin e sigurisë, stabilitetit dhe paqes në rajon. Në bisedë u diskutua edhe për marrëdhëniet dypalëshe EBA-SHBA dhe zhvillimet lidhur me situatën në rajon.

Të shtëna me armë janë raportuar në një stacion autobusi në Jeruzalem, ku si pasojë kanë humbur jetën 3 persona dhe janë plagosur 6 të tjerë.

Sipas informacioneve, 2 të moshuar humbën jetën në spital ndërsa një 24 vjeçare u deklarua e vdekur në vendngjarje.

Të paktën dy persona të armatosur palestinezë u qëlluan nga forcat e sigurisë në vendngjarje, sipas raporteve fillestare.

Shërbimi Emergjent në Jeruzalem njoftoi se të plagosurit ndodhen në gjende të rëndë shëndetësore.

Fotot e pengjeve para marrëveshjes Hamas-Izrael

Gjithsej do të jenë tetë pengje, gjashtë gra dhe dy të mitur, që Hamasi pritet t'i lirojë sot nga Gaza si pjesë e një marrëveshjeje me Izraelin që çoi në zgjatjen e armëpushimit në enklavë edhe për 24 orë të tjera. 

Këtë e kanë bërë të ditur mediat e shtetit hebre, duke saktësuar se numërimit të sotëm duhet t'i shtohen edhe dy femrat ruso-izraelite, Elena Trofanov dhe Irena Tatti, të lira mbrëmë nga organizata palestineze në shenjë njohjeje ndaj presidentit rus, Vladimir Putin.

Ushtarët e Hamasit

Transmetuesi publik kombëtar i Izraelit Kan raporton se mbledhja e kabinetit të luftës së vendit përfundoi pa një vendim për zgjatjen e armëpushimit në Gaza, e cila skadon sot në mëngjes (30 Nëntor). 

Sipas Kan, Izraeli "dëshiron të marrë një 'listë të re' të të burgosurve të ardhshëm që do të lirohen nga Hamasi deri në orën 7 të mëngjesit me orën lokale.

Një burim zyrtar izraelit shtoi për transmetuesin se "nëse lista nuk ndryshon deri" ky afat "luftimet do të rifillojnë" në Rrip.

Forcat izraelite

Një armëpushim i përkohshëm midis Izraelit dhe Hamasit është zgjatur për të shtatën ditë, thanë Forcat Mbrojtëse të Izraelit të enjten në mëngjes, disa minuta përpara se marrëveshja të skadonte.

Kjo është zgjatja e dytë e armëpushimit fillestar katër-ditor që filloi të premten.

Armëpushimi ka rezultuar në kthimin e 70 izraelitëve sipas marrëveshjes. Gjatë pauzës, tre shtetas izraelitë me shtetësi të dyfishtë dhe njëzet e katër shtetas të huaj janë liruar gjithashtu jashtë marrëveshjes.

Në këmbim, 210 palestinezë janë liruar nga burgjet izraelite, thanë zyrtarët.

Ndërkohë, Izraeli do të zgjasë armëpushimin për çdo ditë që Hamasi vazhdon të lirojë 10 pengje, theksoi të enjten një zyrtar i lartë izraelit.

Ahed Tamimi

Ahed Tamimi, 22-vjeç, ishte gjithashtu në grupin e palestinezëve të liruar mbrëmjen e djeshme (29 Nëntor) nga Izraeli si pjesë e armëpushimit me Hamasin. 

Mediat lokale e raportuan këtë, duke cituar autoritetet e burgut. Pasi u bë e famshme botërore në vitin 2018 për goditjen me shuplakë të dy ushtarëve izraelitë në fshatin e saj Nabi Saleh të Bregut Perëndimor, Tamimi kishte qenë në burg shumë herë që nga 6 nëntori, pas një postimi në Instagram në arabisht dhe hebraisht drejtuar "kopeve të kolonëve izraelitë" në të cilin ai deklaroi:

"Ne po ju presim në të gjitha qytetet e Bregut Perëndimor, nga Hebroni në Jenin. Ne do t'ju masakrojmë dhe ju do të thoni se ajo që ju bëri Hitleri ishte një shaka. Ne do të pimë gjakun tuaj dhe do t'ju hamë kafkat", shkruhej në postimin e Tamimit.

Sipas familjes nuk ishte ajo që e kishte bërë atë postim.

Momenti i mbërritjes së pengjeve në Gaza

Tridhjetë palestinezë të mbajtur në burgjet izraelite u liruan mbrëmjen e kaluar (29 Nëntor) në përputhje me marrëveshjen e armëpushimit midis Izraelit dhe Hamasit, njoftoi Autoriteti i Burgjeve izraelite. 

Lirimi erdhi pasi Hamasi liroi ditën e djeshme 16 pengje izraelitë dhe të huaj të mbajtur në Rripin e Gazës.