POP 5

Lajmet më të lexuara të 5 minutave të fundit

Ekonomi

Lufta tkurr importin e grurit e vajit nga Rusia e Ukraina! Në janar-qershor, importi i drithërave u ul me 22 mijë tonë

Lufta në Ukrainë ka ulur importin e vajit dhe të drithërave drejt Shqipërisë. Sipas të dhënave të INSTAT këtë gjashtëmujor vendi ka importuar 22 mijë tonë grurë më pak nga Rusia dhe Ukraina, por nga ana tjetër është shpenzuar më shumë për t’i blerë për shkak të çmimeve të larta

Pasojat e luftës në lindje janë reflektuar në tregtinë e mallrave të gjashtëmujorit të parë mes Shqipërisë dhe Rusisë e Ukrainës. Bazuar në statistikat e INSTAT, nga janari në qershor importi i drithërave nga Rusia është ulur me 20 mijë tonë, dhe me 2.2 mijë tonë nga Ukraina.

Nëse në 6 mujorin e parë vjet janë importuar nga këto dy shtete 60 mijë tonë drithëra, këtë vit në të njëjtën periudhë janë importuar 37.8 mijë tonë.

Ndërsa rënia e importeve të drithërave në vlerë monetare është më e ulët, për shkak të rritjes së çmimeve menjëherë pas nisjes së luftës, dhe drithërat e importuara kanë kushtuar më shumë. Sipas kalkulimeve 1 kg drithë i blerë nga Rusia e Ukraina vjet kushtonte mesatarisht 31 lekë, ndërsa këtë vit është rreth 40 lekë.

Në total për të blerë drithëra nga këto dy shtete janë shpenzuar 1.5 miliardë lekë, nga janari në qershor, nga 1.8 miliardë që u harxhuan vjet në të njëjtën periudhë.

Edhe për tregtimin e vajit, shifrat flasin për rënie. Sipas të dhënave është ulur importi i vajit në sasi, ndërsa në vlerë është rritur për shkak të çmimeve të larta.

Nga Ukraina kemi blerë në gjashtëmujor 3.2 mijë tonë vaj dhe dhjamëra kafshore apo vegjetale me rënie prej mbi 1 mijë tonë, ndërsa kemi shpenzuar 725 milionë lekë, nga 410 milionë që u shpenzuan vjet.

Ndërsa nga Rusia kemi importuar 2.6 mijë tonë vaj me një vlerë prej rreth 457 milionë lekë.

Si pasojë e çmimeve të larta dhe pasigurisë së shtuar, tregtia e mallrave në vend ka nisur të shfaqë shenja ngadalësimi, pasi në muajin qershor si për importet ashtu dhe për eksportet rritjet kanë qenë më të ultat prej një viti.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu