Forcat ruse mund të intensifikojnë sulmet e tyre duke përfituar nga afati kohor përpara mbërritjes së ndihmës së re ushtarake në Ukrainë! Kështu shkruan Instituti për Studimin e Luftës (ISW) në faqen e tij të internetit në dritën e miratimit të djeshëm në Dhomën e SHBA-së për alokimin e 60 miliardë dollarëve për Kievin.
Deri më tani, rusët janë përpjekur të shfrytëzojnë aftësitë e degraduara të mbrojtjes ajrore të Ukrainës në një përpjekje për të shembur rrjetin energjetik të vendit dhe për të shkaktuar dëme afatgjata në infrastrukturën e Kievit dhe kapacitetin e industrisë ushtarake, vërejnë ekspertët nga qendra studimore e SHBA.
Me ardhjen tashmë të pritshme të ndihmës ushtarake amerikane, Moska ka të ngjarë të intensifikojë operacionet luftarake dhe sulmet me raketa dhe drone për të "arritur objektiva të rëndësishëm operacionalë që sigurisht do të bëhen më të vështira për t'u marrë" pas mbërritjes së ndihmave, vazhdon ISW.
Megjithatë, gjatë gjashtë muajve të fundit, forcat ruse kanë fituar vetëm avantazhe taktike "dhe nuk ka gjasa të arrijnë një përparim që do të rrëzonte vijën e frontit", thekson raporti.
Pentagoni është gati të dërgojë ndihmë ushtarake në Ukrainë pasi Senati të votojë paketën e ndihmës me vlerë 60 miliardë dollarë për Ukrainën, e cila më pas do të nënshkruhet nga presidenti Joe Biden, kështu që do të duhet më pak se një javë që disa armë të arrijnë në fushën e betejës.
Këtë pretendon Washington Post, duke cituar zyrtarë amerikanë. Departamenti i Mbrojtjes, i cili kishte paralajmëruar se Ukraina gradualisht do t'i nënshtrohej forcave ruse dhe do të përballej me humbje masive, nëse ndihma amerikane nuk do të miratohej, ka filluar të përgatisë një paketë ndihme shumë përpara votimit më Senat, ,e qëllim për të përshpejtuar procesin.
E veja e Alexei Navlny, Yulia Navalnaya në një intervistë për mediat ka deklaruar se Vladimir Putin është i paparashikueshëm dhe në një moment ai mund të vendosë të përdorë armë bërthamore.
“Ne nuk e dimë se çfarë të presim prej tij, ai ndoshta do ta bënte, për të përdorur armë bërthamore. Askush nuk e priste dy vjet më parë që presidenti rus do të urdhëronte të sulmonte Ukrainën, por ai vendosi ta bënte atë, ai terrorizon njerëzit, i mban ata në gjendje frike, askush nuk e di se çfarë do të bëjë Putini më pas," paralajmëron ajo.
Ndërsa më pas ka folur për arrestimet e fundit të spiunëve të dyshuar rusë në Evropë.
"Putini nuk ka filluar vetëm, ai e ka bërë gjithmonë këtë. Ai fillon luftërat, vret kundërshtarët e tij. Gjithmonë kam menduar se ka pasur shumë spiun rusë në Evropë”, shton Yulia.
Më në fund, Yulia Navalnaya e cila trashëgoi trashëgiminë e burrit të saj, që vdiq në një burg më 16 shkurt rrëfen dëshirën për t'u kthyer në Rusi një ditë.
"Unë dua të jetoj atje, fëmijët e mi ëndërrojnë të kthehen atje, dua të shkoj te varri i Alexeit, është shumë e rëndësishme për mua dhe shpresoj ta bëj shumë, shumë shpejt, ëndërroj të kthehem në Rusi sa më shpejt të jetë e mundur”, thotë në fund ajo.
Lajme të tjera
-
Lufta/ Rusia kryen sulm masiv ndaj infrastrukturës energjetike të Ukrainës
28 Nëntor, 08:03 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57
