Lufta në Ukrainë/ Media: Biden autorizoi Kievin të përdorë armët amerikane për të goditur Rusinë, por vetëm për të mbrojtur Kharkivin

Shtetet e Bashkuara i kanë dhënë dritën jeshile Ukrainës që të përdorë armë të furnizuara nga Shtetet e Bashkuara për të goditur objektiva në Rusi, por vetëm ato pranë rajonit të Kharkivit, ku po kryhen luftime, tha të enjten një zyrtar i Shteteve të Bashkuara. 

Vendimi paraqet një ndryshim të qëndrimit të Presidentit Joe Biden, i cili deri më tani, kishte refuzuar me vendosmëri që Ukraina të përdorte armatime amerikane për të kryer sulme brenda Rusisë.

“Presidenti kohët e fundit udhëzoi ekipin e tij që të sigurojë që Ukraina të jetë në gjendje të përdorë armët amerikane për të mbrojtur Kharkiv, në mënyrë që Ukraina të mund t'i kundërpërgjigjet forcave ruse që i godasin ose përgatiten për t'i goditur ato,” citoi uebfaqja Politico një zyrtar të paidentifikuar amerikan.

LEXO EDHE:
Shefi i Pentagonit flet në telefon me Ministrin e Mbrojtjes të Rusisë

Ndërsa politika e SHBA-së për të mos lejuar sulme me rreze të gjatë brenda Rusisë nuk ka ndryshuar, por sipas raportimeve, Moska ka të ngjarë ta shohë masën e fundit si një përshkallëzim.

Forcat ruse kanë fituar terren në rajonin e Kharkivit në javët e fundit pas një ofensive të befasishme në këtë zonë, e vendosur në kufirin me Rusinë.

M.Q./r.k./Shqiptarja.com

TAG:
• Joe Biden
• SHBA
• lufta ne ukraine