Presidenti ukrainas Volodymyr Zelensky doli nga Ukraina për të zhvilluar një takim me presidentin francez Emmanuel Macron. Sipas presidencës franceze, biseda do të ketë në fokus ndihmën ushtarake që i duhet Ukrainës për t’u përballur me forcat ruse.
Macron "do të përsërisë mbështetjen e palëkundur të Francës dhe Evropës për të rivendosur të drejtat legjitime të Ukrainës dhe për të mbrojtur interesat e saj themelore", shkruajnë mediat e huaja.
Ministria ruse e Mbrojtjes tha se sulmet gjatë natës në Ternopil (në Ukrainën perëndimore) dhe Petropavlivka në rajonin lindor të Dnipropetrovsk goditën objektet perëndimore të armëve si në Lindje ashtu edhe në Perëndim të Ukrainës.
Po ashtu ka njoftuar se dy oficerë të lartë të ushtrisë, Vyacheslav Makarov dhe Yevgeny Brovko vdiqën heroikisht në Ukrainë, Bakhmut.
Nga ana tjetër, një valë masive e bombardimeve ruse po godet të gjitha qytetet kryesore të Ukrainës. Në Kiev anti-ajrori hyri në veprim dhe pati shpërthime në zonën e Karkhiv. Imazhet tregojnë një shpërthim kolosal në periferi të Ternopilit në rajonin perëndimor: një raketë që shkatërron një depo municionesh.
Sipas raporteve të para, dronët dhe raketat Kalibr janë përdorur si nga Deti i Zi ashtu edhe nga territori rus: në veçanti rrethet më afër kufirit polak, si Ivano-Frankivsk, Lviv dhe Ternopil ku ushtria ukrainase dyshohet se ka përgatitur rezervat e predhave dhe karburantit për të nxitur kundërsulmimin. Mbrëmjen e kaluar pati një sulm tjetër në të njëjtën zonë: rreth Khmelnitsky, depot e municioneve dhe rezervuarët e karburantit u hodhën në erë.
Dje Zelensky pati një takim me Papa Françeskun ku pasi largua tha se shpreson që biseda të ketë pasoja historike për Ukrainën.
Rusia është e sigurt se Ukraina është bashkëpunëtore në sulmet ndaj rusëve. Këtë e tha në televizionin Rossiya-1 , zëdhënësi i Kremlinit, Dmitry Peskov , i cituar nga Tass . Deklarata e Peskov vjen pas një deklarate të Kyrylo Budanov, kreu i inteligjencës ushtarake ukrainase, i cili pak ditë më parë refuzoi të përgjigjet për përfshirjen e Kievit në sulmet në territorin rus, duke shtuar megjithatë se ata do të vazhdojnë "të vrasin rusët kudo në faqen e kësaj bote". "Është shumë e qartë se regjimi i Kievit qëndron pas vrasjeve. Ai nuk i sponsorizon vetëm këto vrasje, ai i organizon, i nxit dhe i kryen ato," tha Peskov, duke shtuar se Rusia do të ndërtojë politikat e saj duke marrë parasysh atë që shërbimet speciale të Moskës. "Dijeni se çfarë duhet bërë pas deklaratave të tilla."
Duke shkruar në librin e të ftuarve të presidencës gjermane, Volodymyr Zelenskyy tha se Gjermania është aleate e verëtetë dhe e besueshmë e Ukrainës.
"Në kohën më sfiduese në historinë moderne të Ukrainës, Gjermania është krenare që është miku ynë i vërtetë dhe aleati ynë i besueshëm.Së bashku do të fitojmë dhe do të kthejmë paqen në Evropë".
Komentet e tij vijnë pasi ministri gjerman i mbrojtjes Boris Pistorius tha se Berlini do të mbështesë Ukrainën për aq kohë sa duhet.
Presidenti ukrainas, Volodymyr Zelensky, ka mbërritur në Berlin në vizitën e tij të parë në Gjermani që nga fillimi i luftës. Samiti, do të fokusohet në diskutimin e një pakete shumë të rëndësishme"armësh që do t'i dërgohen Ukrainës dhe mbrojtjen ajrore. Në qendër të bisedimeve është edhe rindërtimi i vendit dhe hyrja e tij në Bashkimin Europian.
Presidenti ukrainas, Volodymyr Zelensky, ka arritur në Berlin për bisedime kritike, pasi liderët gjermanë njoftuan për një paketë të ndihmës ushtarake në vlerë prej 2.7 miliardë eurosh, që synon ta ndihmojë Kievin për të luftuar kundër pushtimit të Rusisë.
Zelensky është takuar me presidentin gjerman Frank-Walter Steinmeier dhe po ashtu është paraparë takim edhe me kancelarin Olaf Scholz. Ai po ashtu pritet të udhëtojë në qytetin Açen, për të pranuar çmimin prestigjioz Charlemagne.
Një ditë para se Zelensky të udhëtonte drejt Gjermanisë, Berlini njoftoi për paketën e re të ndihmës që përfshin tanke, sisteme kundërajrore dhe municione.
Në pakon e ndihmës përfshihen 20 makina të këmbësorisë, Marder, 30 tanke Leopard 1, 15 tanke kundërajrore Gepard, 200 dronë vëzhgues, katër sisteme kundërajrore Iris-T dhe municione, municione shtesë për artilerinë dhe mbi 200 makina luftarake dhe logjistike.
Gjermania është kritikuar nga shumë në Ukrainë, për shkak të ngurrimit që të dërgojë në Kiev armatime të rënda. Paketa e re do të jetë paketa më e madhe që Berlini i dërgon Kievit që kur nisi pushtimi i Ukrainës në shkurt të vitit 2022.
Ministri i Jashtëm ukrainas, Dmytro Kuleba, ka bërë thirrje për dërgim të shpejtë të paketës së ndihmës, pasi Kievi po përgatitet për një kundërofensivë të madhe.
Më 13 maj, ai mori pjesë në takimin në Suedi me homologët e tij nga shtetet e Bashkimit Evropian dhe tha se Ukraina gjithmonë ka nevojë që armatimet t’i dërgohen shumë shpejt.
Lajme të tjera
-
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Përdorimi i raketave të avancuara nga Rusia, sinjal për Perëndimin
22 Nëntor, 07:40 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
VIDEO/ Zëdhënëses ruse i bie telefoni në konferencë: Mos fol për sulmin me raketë balistike ndërkontinentale ndaj Ukrainës
21 Nëntor, 15:53
