POP 5

Lajmet më të lexuara të 5 minutave të fundit

Sport

Luhet një copëz titull në 'Maradonën' e mbushur plot, sonte superpërballja Napoli-Juventus! Përplasen trajnerët, Allegri: Spaletti e ka detyrim fitoren

Edhe pse jo në fazën më të rëndësishme Seria A do të luajë sonte një copëz të titullit kampion. Kjo sepse përballë janë Napoli dhe Juventusi, skuadrat që mbajnë vendin e parë dhe të dytë në renditje, ndërsa diferencën e bëjnë 7 pikë.

Sonte në orën 20:45 Seria A luan një nga ndeshjet më të rëndësishme të sezonit, pasi Napoli kryesues pret Juventusit e vendit të dytë. Në stadiumin ‘Maradona’ të mbushur plot vendasit do kërkojnë të djegin shpresat jo vetëm të bardhezinjve, por të gjithë kundërshtarëve, ndërsa ‘zonja e vjetër’ ka shansin e artë për t’u afruar në krye. Aktualisht diferenca është 7 pikë, ndërsa lajmi i mirë për Napolin është se nuk ka asnjë mungesë. Ndryshe nga Juventusi që deri në fund të janarit do të duhet t’ia dala pa Vlahovic dhe Pogba-n, të rikuperuar ende jo të gatshëm për të luajtur një ndeshje.

Në konferencën për shtyp trajneri Allegri është përpjekur të kalojë presionin te Napoli, duke u shprehur se ‘ata janë skuadra që duhet të fitojë me patjetër, pasi për Juventusin është një ndeshje thjeshtë e rëndësishme’. Sakaq Spalletti është kundërpërgjigjur duke deklaruar se ‘Allegri e ka të kotë të fshihet pasi Juventus është favorite, duke qenë një skuadër e mbushur me kampionë’. Për t'u theksuar edhe fakti që kompanitë e basteve e kanë konsideruar Napolin si skuadrën pretendente për të fituar 3 pikët, ndërsa nuk duhet harruar edhe fakti që Juventus vjen pas 8 fitoresh rradhazi në kampionat.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça