Luiza Gegën e lënë pas vetëm afrikanet, e 7-ta në ‘Diamond League’! Kampionia e Evropës: Jam e kënaqur, sezon mëse i realizuar

Pasi fitoi medaljen e artë në Europianin e pak ditëve më parë Luiza Gega vijon të dhurojë rezultate shumë të mira në garën e 3 mijë metrave me pengesa. Megjithëse e lodhur nga garat e njëpasnjëshme dhe e shpërqëndruar nga ceremonitë e zhvilluara në nder të saj atletja shqiptare u rendit e 7-ta në Diamond League që zhvillohet në Bruksel.

Gega me kohën 9:14:41, që është rezultati i saj i tretë më i mirë i këtij viti, arriti që të lërë pas saj atletet europiane e amerikane dhe u kalua vetëm nga ato afrikane nga Kenia e Etiopia.

Kampionia e Europës shprehet e kënaqur nga ky rezultat, edhe pse thotë se ndihet  e lodhur pas një sezoni të gjatë, por mëse të realizuar.

Diamond League është një aktivitet me pak disiplina ku marrin pjesë atletët më të mirë nga e gjithë bota dhe Luiza Gega me kohën e arritur ka kapur normën e Botërorit.

Përgatiti: Andi Kapxhiu

G.MO/r.k./Shqiptarja.com

TAG:
• Luiza Gega
• Luiza Gega kampione europe