Luizi përplaset me Bledi Manen: Nuk ke karakter, burracak! Gazetari: Je person i lodhur si në jetë ashtu edhe në lojë

Mes këngëtarit Luiz Ejlli dhe gazetarit Bledi Mane po krijohen raporte të tensionuara kur ka mbetur më pak se një muaj deri në finalen e madhe të Big Brother VIP Albania.

Një debat mes tyre ka ndodhur edhe gjatë natës së spektaklit të së martës (11 prill) teksa po flisnin për sjelljen e Ronaldo Sharkës ditëve të fundit.

Ronaldo ka krijuar situata të ndryshme me një pjesë të madhe të banorëve, por debatet kryesore i kishte me Bledin dhe këngëtaren Nita Latifi.

Teksa këto po diskutoheshin në spektakël situatat e ndodhura gjatë javës, një tjetër debat nisi në mes të Luizit dhe Bledit.

Bledi nisi bisedën duke i thënë se tre banorët e rifutur Efi, Kiara dhe Ronaldo janë ‘Matryoshka’ (kukulla Ruse) të Luizit.

Pas kësaj ka ndërhyrë Luizi duke i thënë se është një njeri pa karakter dhe identitet ndërsa tha se është i gatshëm të debatojë me të pa i ikur atyre.

“Pikën e fytyrës nuk e ke, karakter nuk ke, identitet nuk ke, je kokrra e burracakut, çfarë ke me mua ja ku me ke, po e përsërit vetën, fyen gjithë javën kërkon falje në Prime”, i tha Luizi.

Në anën tjetër, Bledi iu kundërvu duke i thënë se këngëtari është një person i lodhur si në lojë si në jetë.

Ndryshe, kujtojmë që finalja e madhe e BBVA mbahet më 6 maj, banorët janë në garë për çmimin prej 100 mijë eurosh

B.V/Shqiptarja.com

TAG:
• Bledi Mane
• big brother vip
• luiz ejlli