Receta

Lulelakër në brumë të hollë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 21 Nëntor 2022, 10:23 | Përditesimi: 21 Nëntor 2022, 10:25

Lulelakër në brumë të hollë

Përbërësit:

1 lulelakër
1 lgj kripë
4 lgj miell gruri
2 lgj miell misri
Ujë të gazuar
Vaj vegjetal
Erëza sipas dëshirës
Për salcën
2 lgj majonezë
2 lgj keçap
1 lgj vaj ulliri
1 lgj majdanoz
Hudhër të shtypur
Piper i zi, piper i kuq

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Ziejmë lulelakrën në ujë të bollshëm me kripë për 10 minuta. Bashkojmë dy llojet e miellit me erëzat, pak kripë dhe ujë të gazuar. E përziejmë që të krijohet një masë e lëngshme dhe më pas tek kjo masë vendosim bohçet e lulelakrës, të cilat i trazojmë më kujdes në mënyrë që të vishen plotësisht me shtresën e brumit.

Nxehim vajin dhe skuqim bohçet e lulelakrës nga të gjitha anët. Pasi i skuqim i vendosim në një pjatancë ku kemi shtruar një pecetë në mënyrë që të përthithet vaji i tepërt.

Trazojmë në një tas majonezën me keçapin, vajin e ullirit, majdanozin e grirë imët, hudhrën e shtypur, kripën, piperin e zi dhe piperin e kuq. E vendosim salcën në një tas të vogël dhe servirim lulelakrën e skuqur.

MC/Shqiptarja.com

TAG: