Lulelakra, pse quhet super perimja e shëndetit, për mendjen dhe zemrën e fortë

Lulelakra është një perime shumë e shëndetshme për njeriun. Lulelakra shpesh përshkruhet si një ushqim shumë i pasur në vlera, por jo të gjithëve u pëlqen. Megjithatë, përshkrimi i fundit nuk vlen aspak nëse di ta gatuash në mënyra të ndryshme.

Fakte Interesante Për Lulelakrën
Kjo perime është ndër të paktat që nuk e do dritën e diellit. Tufa e perimes së bardhë është në të vërtetë forma e pazhvilluar e një luleje, e cila në rast se nuk do të mbrohej nga gjethet e trasha do të prodhonte klorofil dhe lule por të pangrënshme.

Kjo perime mund të rritet edhe në ngjyra të tjera siç është portokallia, jeshilja dhe vjollca.

LEXO EDHE:
Forcimi i bashkëpunimit mes Shqipërisë dhe Austrisë në fushën e sigurisë, Ministri Balla pritet në Vjenë nga homologu i tij, Gerhard Karner

Vlerat Shëndetsore Të Perimes Së Bardhë
Vitaminat dhe mineralet për imunitetin
Lulelakra përmban antioksidantë të cilët janë thelbësorë për sistemin imunitar.  Lulelakra është e pasur me vitaminë B1, B2, B3, B5, B6, B9, C, Omega-3 dhe vitaminë K.

Kundër qelizave të dëmshme
Lulelakra njihet si një perime super e shëndetshme sepse është një burim sulforafani, një substancë që sulmon qelizat e dëmshme dhe ngadalëson rritjen e qelizave tumorale.

Shëndeti i zemrës
Alicina dhe sulforafani që e përmendëm më lart, përmirësojnë shëndetin kardiovaskular. Alicina pakëson gjasat e ishemisë dhe sëmundjeve të zemrës. Sulforani përmirëson tensionin e gjakut dhe veshkat.

Tretja
Lulelakra është një burim i mirë fibre që përmirëson tretjen. Një racion me lulelakër përmban 3.35 g fibër dietike, e cila pastron sistemin tretës nga substancat e dëmshme.

Detoksifikimi
Antioksidantët tek lulelakra luajnë një rol detoksifikues dhe ndihmojnë në rënien në peshë. Kjo perime përmban pak kalori dhe mund të gatuhet në mënyra interesante.

E mirë për shtatzaninë
Kjo perime përmban folat, një vitaminë e dobishme për një shtatzani të shëndetshme. Mungesa e folatit tek gratë shtatzënë mund të shkaktojë shumë probleme tek fetusi.

Kundër inflamacionit
Lulelakra lufton inflamacionin në mënyrë funksionale. Ajo e pajis imunitetin me substancat që i nevojitet t’i kundërpërgjigjet inflamacionit.

Shëndeti mendor
Lulelakra është e pasur me vitamina të kompleksit B të cilat i nevojiten trurit  çdo ditë për të kryer funksionet e tij./AgroWeb

TAG:
• lulelakra
• vlerat shendetesore

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të duhura

  85%

• Të gabuara

  10.2%

• Nuk e di

  4.8%

Vota total: 2981

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të duhura Të gabuara Nuk e di