POP 5

Lajmet më të lexuara të 5 minutave të fundit

Sociale

Luleshtrydhja e Frakullës shitet në tregjet europiane, fermerët rrisin prodhimin, afro 75 mijë kuintal në sezon

Frakulla e Fierit mund të quhet hambari i Myzeqesë, ku kultivohet 170 hektarë me luleshtrydhe. Këtë vit prodhimi është më i lartë e cilësor se vitet e tjera dhe 85 % eksportohet në Itali, Rumani, Poloni e Çeki. 

FIER- Është sezoni i vjeljes së luleshtrydhes dhe fermerët e Frakullës janë në kulmin e punës. Prodhimi është i mbarë dhe cilësor ndaj tregun e kanë të siguruar.

 “Kam 4 dynym sera luleshtrydhe. Me këto mbaj familjen. E kam biznes familjar. Marr edhe dy-tre punëtorë kur kam punë. Deri tani mirë kundrejt vitit të kaluar. Po të mbaj edhe një muaj kështu besoj mirë do jemi. Shyqyr Zotit kemi disa tregtar që na i marrin dhe ka disa pika që i grumbullojnë”, tha fermeri Artur Lanaj.

“Çdo fermer këtu ka nga një hektar luleshtrydhe. Unë vetë kam 8 dynym. Sivjet prodhimi është shumë i mbarë por edhe çmimi deri tani është i arsyeshëm. Nga viti i kaluar ka shumë ndryshime”, thotë fermeri Melsi Hamataj.

Aktualisht në Frakull luleshtrydhja tregtohet me shumicë 210 deri në 240 lek për kg, por vetëm 15% e prodhimit mbetet për tregun vendas.

Kryetari i njësisë vendore, Dashnor Troka tha për Report TV se 85% e prodhimit shkon për tregun europian.

Me një prodhim prej 75 mijë kuintalësh në sezon, luleshtrydhja e Frakullës eksportohet në Itali, Rumani, Poloni e Çeki.

“Ajo zë peshën kryesore  të eksporteve si në tregun e brendshëm dhe në atë të jashtëm. Një nga faktorët kryesor që njerëzit i janë futur punës është kultivimi i luleshtrydhes. Më e dobishme ka qenë skema e subvencionit të naftës që shumica e fermerëve e kanë marrë. Sivjet mendojmë se ka qenë një prodhim i kënaqshëm dhe tregu ka qenë pak a shumë i qëndrueshëm”, thotë Dashnor Troka.

Në Frakull të Fierit janë 260 fermerë që kultivojnë luleshtrydhen me një sipërfaqe totale prej 170 hektarësh. Pjesa më e madhe e tyre janë mbështetur nga Ministria e Bujqësisë me subvencione si për naftën ashtu dhe për ndërtimin e serave.

B.K./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56