Lulet, dekori më i rëndësishëm i
dasmës suaj, ide dhe kompozime

Për të dekoruar pamjet e ambientit ku do të zhvilloni ceremoninë martesore detaji më i bukur dhe më i rëndësishëm janë lulet. Ato sjellin një aromë freskie dhe janë shpesh nota përfundimtare me veshjen e nuses. Me pak fjalë, lulet janë thelbësore për çdo martesë.
 
Çdo vit stili dhe kompozimet e luleve ndryshojnë. Lefter Bizhga, specialist i luleve në një intervistë për emisionin e mëngjesit “Rreze Dielli” foli për trendet e kompozimeve të luleve për këtë vit në ceremoninë martesore.



E rëndësishme është të zgjedhim lulet e duhura si dhe kombinimet e ngjyrave. “Këtë vit kompozime me shumë ngjyra dhe lule të shumëllojshme janë pjesë e dasmave tona”, u shpreh Bizhga.



Lulet zakonisht janë dekori që shoqëron nusen në çdo ambient që zhvillohet dasma. Në ambientet e shtëpisë, në kishë, në dorë, në makinë dhe sigurisht në festë. Redaksia Online (m.z/shqiptarja.com)