Ndihmëssekretari i Shtetit në Detyrë për Çështjet Europiane dhe Euroaziatike, Philip T. Reeker, zhvilloi një vizitë zyrtare në Tiranë. Zoti Reeker i shoqëruar nga Ambasadorja e SHBA-së në Tiranë Yuri Kim, u takua me Kryeministrin Edi Rama, kryetarin e Partisë Demokratike, Lulzim Basha, ku përcolli angazhimin e SHBA në “luftën kundër korrupsionit dhe Reformën në Drejtësi”. Vendosmëria e Presidentit Joe Biden dhe Sekretarit të Shtetit Antony Blinken, në luftën kundër korrupsionit, sipas përcaktimeve të fundit është “një interes thelbësor i sigurisë kombëtare”.Ndihmëssekretari amerikan i Shtetit siguroi mbështetjen e fortë të SHBA për luftën kundër krimit të organizuar dhe Reformën në Drejtësi, si garantë në mbrojtjen e demokracisë në vend.sipas tij “përmirësimi në këto çështje do ta ndihmojnë shumë Shqipërinë në rrugën e saj drejt anëtarësimit në Bashkimin Europian”.
Më tepër se një vizitë e përcaktuar për nga rëndësia e saj, ardhja e zotit Reeker ishte njëherësh edhe përforcim i mendimit dhe veprimit të SHBA-së lidhur me listën e mbushur me emra “non-grata” nga Ballkani dhe veçanarisht Shqipëria. Tashmë nuk ka asnjë hamendësi lidhur me vendimin amerikan mbi ish-kryeministrin e vendit Berisha, apo dhe emra të tjerë që pritet ti shtohen listës. Ata janë shpallur “non-grata” për të shkuar në SHBA, ashtu siç duhet të përgjigjen para drejtësisë për akuza të kopsitura. Mëdyshja e Lulzim Bashës, e cila deri para ardhjes së zotit Reeker ishte e dukshme, ndoshta ka marrë tjetër rrugë tashmë. Ai duhet të vendosë përfundimisht fatin e tij, duhet të japë mendimin dhe vendimin e tij lidhur me çështjen “Berisha”.
Asnjë lëkundje apo deklaratë me dy nënkuptime, nuk mund të jetë favorizuese për kryetarin e Partisë Demokratike. Departamenti Amerikan i Shtetit nuk bën lojëra dhe pazare, por përpara se të marrë vendime mbi ish-drejtuesit e lartë politikë dhe shtetërorë në vende të ndryshme të botës, sigurohet për vërtetësinë e akuzave. Kjo ka ndodhur edhe me rastin Berisha. Lulzim Basha ka shansin të tregojë, është “pro” apo “kundër” vendimit të DASH, është “pro” apo “kundër” largimit të Sali Berishës nga grupi parlamentar i partisë tij. Natyrisht , do ti duhet një natë pa gjumë, deri në marrjen e një vendimi të tillë, njeriut që deri para 1 viti nuk linte ambasador të huaj (veçanarisht atë të SHBA dhe BE) pa shigjetuar lidhur me “mbështetjen që ata i jepnin Edi Ramës”.
Duke mos harruar sulmet banale ndaj ambasadorëve, duke mos harruar deklaratat e tij lidhur me “qëndrimet e njëanshme politike nga ambasadorët”, nga sot ndoshta do shohim një Lulzim tjetër. Ai ka ditë që hiqet si “proamerikan”, por kur i preket “babai politik”, ndryshon çehre, dhe kalon në temë tjetër bisedimi. Ka ardhur koha, që “cicmicet” me Sali Berishën ti zgjidhë përfundimisht në rast se ndjehet kryetar partie. Lulzimi duhet ta dijë se SHBA, nuk harron, nuk lëshon, dhe nuk ndryshon lehtë qëndrim, sidomos lidhur me emra të skeduar dhe të akuzuar,që dëmtojnë sigurinë amerikane dhe globale. Lul, marrëdhënia me amerikanët, nuk është njëlloj si me ata që u thua edhe orën gabim në zyrat e PD-së.“Ofertën” (apo dhe urdhërin) e ke në zyrë, zgjidhe vetë shtegun dhe rrugën e duhur nga duhet të kalosh, për të përmbushur misionin e duhur, por jo duke u hequr “proamerikan” nga halli….
Lajme të tjera
-
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Alban Daci: Lufta III Botërore?
23 Nëntor, 15:23
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Shefi i NATO-s takohet me Trumpin në Florida
23 Nëntor, 12:35 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20
