POP 5

Lajmet më të lexuara të 5 minutave të fundit

Ekonomi

Bashkëpunimi për zhvillim i lumit Vjosa, pasuria botërore që vijon të jetë në rrezik

Vjosa i vetmi lumë i egër në Evropë vijon të jetë një rrezik, për mijëra hektarë tokë dhe me dhjetra famije që rrezikohen nga përmbytjet në rast të reshjeve të dendura.

Bashkëpunimi për zhvillim i lumit Vjosa, pasuria botërore që vijon të jetë në rrezik

Vjosa i vetmi lumë i egër në Evropë vijon të jetë një rrezik, për mijëra hektarë tokë dhe me dhjetra famije që rrezikohen nga përmbytjet në rast të reshjeve të dendura. Plani i menaxhimit të basenit të lumit Vjosa, do hartohet nga Agjencisë së Menaxhimit të Burimeve Ujore, me mbështetje të BE dhe nga bashkëpunimi Austriak për Zhvillim. Në konferencën e zhilluar këtë të mërkurë me fokus prezantimi i  zbatimit te projektit “Mbeshtetje e BE per menaxhimin e integruar te ujit ne Shqiperi”, u kërkua nga zëvendësministrja e Turizmit Vilma Bello tha se Vjosa duhet të trajtohet e ndarë nga menaxhimi i lumejve të tjerë, për shkak të rrezikut që paraqet.

“Çështjet kryesore shqetësuese që lidhen me sektorin e ujit kërkojnë padyshim vëmendje maksimale dhe këtu vlen të përmendet që nga monitorimi, mbledhja dhe menaxhimi i të dhënave, zhvillimi i kapaciteteve, koordinimi dhe bashkëpunimi ndërmjet palëve të interesuara. Baseni i lumit Vjosë, krahas baseneve të tjera lumore përballet me problemet që shkaktojnë përmbytjet dhe kërkon pavarësisht përgatitjes së planit për menaxhimin e basenit edhe përgatitjen e planit të menaxhimit të rrezikut nga përmbytjet. Parë nga këndvështrimi mjedisor,pellgu i lumit Vjosa është një ekosistem ndërkufitar, i shoqëruar me shumë sfida dhe shumë presione të ndryshme mbi trupat ujor me kushte shumë specifike mjedisore. Prandaj nga ana e Ministrisë së Turizmit dhe Mjedisit, rekomandohet që të përfshihet si një projekt individual i pavarur në të ardhmen”, tha zëvendësminsitrja Bello.

Aktualisht Bello bëri të ditur se po punohet në bashkëpunim me BB për menaxhimin e lumit Vjosa.

“Ministria e Turizmit dhe Mjedisit ka nisur punën në bashkëpunim me Bankën Botërore për zbatimin e menaxhimit të Vjosës bazuar në qasjen e bazuar në ekosistem duke marrë në konsideratë menaxhimin e mbetjeve, agroturizmin, bujqësisë e qëndrueshme, ruajtjen e biodiversitetit të para të gjitha në kuadrin e ekonomisë blu dhe asaj qarkulluese”, tha zëvendësministrja e turizmit dhe mjedisit.

Ndërkohë i pranishëm në takim ish deputeti i PS Ilir Beqaj që drejton edhe Agjencinë Shtetërore të Programin Strategjik dhe Koordinimit të Ndihmës tha se për menaxhimin e lumit Vjosë nuk mjafton vetëm angazhimi i Shqipërisë.

"Lumi i Shalës e ka bërë Shqipërinë Tajlandën e Evropës por atje në ditë të caktuara të gushtit ke frikë të shkosh nëse nuk administrohet siç duhet sepse është e frikshme. Nëse Vjosa është siç thuhet që është i fundit që duhet ruajtur siç është si pasuri botërore, ndjesë nëse po them se ku ishte bota deri në pasurinë e parafundit dhe nëse sot është pasuri botërore, bota duhet të marri përgjegjësitë e veta ndaj kësaj gjëje që ndodhet në territorin e Shqipërisë”, tha Beqaj.

Diskutimet në konferencë janë përqendruar në tërësi për të gjithë reformën e menaxhimit të integruar të ujit në Shqipëri, duke qenë se këtë vit nisi procesi i konsultimit ndër-institucional për kuadrin ligjor dhe draft raportet e planeve të menaxhimit të baseneve lumore si shtyllat kryesore drejt një sistemi eficient të menaxhimit të burimeve ujore në përputhje me kërkesat ligjore të BE-së.

Agjencia e Menaxhimit të Burimeve Ujore (AMBU) si autoriteti kompetent në këtë proces, në bashkëpunim me institucionet relevante si Ministria e Turizmit dhe Mjedisit, Ministria e Infrastrukturës dhe Energjisë, Ministria e Bujqësisë dhe Zhvillimit Rural, dhe agjenci kombëtare kanë çuar përpara konsultimin e draft ligjit (të ri) të Burimeve Ujore, draft ligjit për Ujërat Detare.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 16/12/2021 16:22

    Vjosa eshte nga lumenjt me te bukur dhe i vetmi i eger ne Europe ,por dhe me i egri ne Shqiperi per vet furine e tij dhe demet kolosale qe sjell per fshatrat ku kalon dhe sidomos ato qe ndodhen ne fundin e tij te derdhjes ne bregdet Europianet kerkojne mbrojthen e saj por demet qe po i shkakton fshatareve pse nuk i paguajne?Vetem diga e Kalivacit do te disiplinoje Vjosen dhe do sjell energji te madhe per jugun e Shqiperise.Zgjidhje tjeyer nuk ka, dhe ne rast te kundert do vazhdojne katastrofat e permbytjeve.Nga Kalivaci e deri ne derdhje Vjosa nuk ka ndonje vecori ekologjike dhe gjeigrafike qe mund te demtohet nga ndertimi i atij hidrocentrali

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dëmtohen në të njëjtën kohë, Berat Gjimshiti dhe Ardian Ismajli lënë fushën në Serie A

Dëmtohen në të njëjtën kohë, Berat Gjimshiti dhe Ardian Ismajli lënë fushën në Serie A

11 Janar, 15:39