POP 5

Lajmet më të lexuara të 5 minutave të fundit

Sociale

Lumi Shkumbin ‘përpin’ tokat në Shushicë të Elbasanit, 20 familje në rrezik: Na kanë premtuar pritat, asgjë s’po bëhet

Në Shushicë të Elbasanit banorët kërkojnë ngritjen e pritave për t’i bërë ballë prurjeve të Shkumbinit në dimër, i cili ka gërryer afro 4 hektarë tokë bujqësore.

20 familje në lagjen Baltaver të Shushicës rrezikohen nga ujërat e lumit Shkumbin. Prej disa vitesh, prerjet e pyjeve dhe gërryerjet e shtratit të lumit kanë çuar në devijimin e rrjedhës drejt zonave të banuara. Banorët kërkojnë ndërtimin e pritave, që do të bënin të mundur shpëtimin e kësaj zone.

“Ne kemi shkuar në bashki e gjithandej, na kanë thënë se mund ta devijojnë rrjedhën e lumit, por janë mashtrime, asgjë s’po bëhet. Puna nuk pret se lumi po na merr në qafë. Shteti duhet të bëjë diçka për këtë popull. Këtu rrezikohen 2 lagje me disa hektarë tokë. E ndaluan fondin, kush e ndaloi? Ka dy vite që ne kërkojmë të merren masa, të bëhen pritat”, tha një banor i zonës.

Banorët shprehen në dijeni të problematikës janë të gjitha institucionet si bordi i kullimit ashtu dhe bashkia e Elbasanit por nuk kanë marrë asnjë masë. Madje, ata thanë se Taulant Balla, kur ishte drejtues politik i PS në Elbasan u ka premtuar ndërtimin e pritave, por nuk e realizoi. 

“Bashkia është në dijeni. Na rrezikohet lagjja me 20 banesa dhe rrugën tonë që futemi tek arat. Duhet të merren masa, kanë ardhur këtu ministrat dhe Taulant Balla, i cili tha se do të bëhet faza e trete për prita, thanë do e bëjnë fazën e trete por nuk e bënë. Këtu nuk pret puna se lumi po merr dhe rrugën. 20 shtëpi rrezikohen dhe rruga”, tha një tjetër banor.

Po ashtu dhe rruga e fshatit rrezikon të përmbytet gjatë dimrit nga prurjet e mëdha të Shkumbinit.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Paul: 13/01/2023 16:17

    pritat duhet te behen me gure,,,,te medhenj,,qe te mos i marre uji.....po se bete kete do ju marre lumi,,,shteti te mos fleje gjume....levizni...shteti te mos fleje gjume.....

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

26 Dhjetor, 09:38