Lunacek: Serbia nuk e fiton
statusin deri sa dhuna vazhdon

Raportuesja e Parlamentit Europian për Kosovën, Ulrike Lunacek, deklaroi sot se Serbia nuk mund të fitojë statusin për anëtarësim në BE, derisa në kufijtë e saj të vazhdoj dhuna.

Lunaçek kërkoi që vendet e BE-së të shtojnë presionin kundër Serbisë, në mënyrë që të ndalet menjëherë dhuna në veri të Kosovës.

Lunacek u bëri thirrje serbëve për heqjen e barrikadave dhe realizimin e dispozitave për autonomi të Planit të Ahtisaarit.

“modelet e autonomisë në Europë dhe në botë tregojnë se qytetarët në rajonet autonome mund të presin kushte mjaft të mira të jetës dhe se në vend të incidenteve të dhunshme duhet punuar për të ardhme më të mirë me autonomi të zgjeruar në veri të Kosovës në shtetin unik të Kosovës”, tha Luncek.