Kryeministri, Edi Rama ka publikuar pamje nga kantieri i Lungomares së re të Durrësit. Në fotot e publikuara në facebook-un e Ramës, shihet se punimet kanë nisur për projektin.  Kreu i ekzekutivit shkruan se shëtitorja e re do t’i japë një vlerë të re zonës bregdetare të qytetit të Durrësit.

“Mirëmëngjes! Dhe me këto pamje nga kantieri i Lungomares së re të Durrësit, e cila do të jetë një shëtitore e bukur që bashkë sipërfaqen e zgjeruar të rërës, do t’i japë një përmasë e vlerë të re krejt zonës bregdetare të qytetit turistik, ju uroj një ditë të mbarë”-shkruan Rama.

Kryebashkiakja e Durrësit, Emirjana Sako në një intervistë të dhënë për Report Tv zbuloi se faza e parë e projektit nga konvalishenca deri tek pista Kosova, pritet të mbyllet në Maj të vitit 2023, ndërsa faza e dytë do të vijojë nga Pista Kosova deri tek Ura e Dajlanit.

Për projektin është akorduar një fond prej 3 milionë dollarësh. Përveç shëtitores për këmbësorët, projekti do të përmbëjë pistë për vrap dhe biçikleta.