POP 5

Lajmet më të lexuara të 5 minutave të fundit

Kronikë

Lushnje, çmimi i agrumeve nën kosto, fermerët: Kërkojmë ndërhyrjen e shtetit për një vend depozitimi

Mungesa e tregut dhe konkurenca e importuesve ka bërë që agrumet e Lushnjes të mbetën stok dhe të kalben. Fermerët lushnjarë detyrohen të shesin prodhimet e tyre në anë të rrugës nacionale me çmime të cilat janë nën koston e prodhimit. Ata ankohen se nuk ka një vend përpunimi për to, e për këtë arsye detyrohen të shesin në rrugë. 

Mungesa e tregut dhe prodhimi i shumtë ka bërë që çmimi i agrumeve të jetë nën kosto. Fermerët e zonës së Lushnjes ankohen së prodhimet e tyre po u shkojnë dëm, pasi nuk ka se ku t'i tregtojnë.

Ata shprehen se dalin në anë të rrugës për të tregtuar portokalle, mandarinë e limonë pasi nuk kanë mundësi të tjera për t'i shitur ato. Në aksin rrugor Lushnje- Berat, në të dyja anët e rrugës janë të shumtë fermerët që tregtojnë agrume, ndërsa çmimi i tyre varion nga 20 lekë për mandarinat, 30 lekë për portokallet dhe 35 lekë për limonin. 

"Deri në orën 16:00-17:00 rrimë pa punë, pa gjë, mandej shesim cfarë të shesim", shprehet një fermer.

Fermerët thonë se me çmimin që kanë arritur nuk kanë mundësi t'i dërgojnë në treg, pasi vetëm për të hyrë në treg duhet të paguash 500 lekë, pa llogaritur pagesën e peshorës etj.

"Ne këtu rrimë nga ora 08:00 e mëngjesit e deri kur errësohet, që s'ka më lëvizje. Se po të vemë në treg, tregu ka kosto. Do hysh tek porta do paguash 500 lekëshin, do peshorja 500 lekë. Do vesh edhe tek klubi, do harxhosh 300-400 lekë, ja iku dita e punës komplet. Të verë dorë shteti, se ne nuk kemi përse të rrimë rrugëve. As vende nuk ka, burim aksidenti është", shprehet një tjetër fermer.

Vitet e fundit në ultësirën e Myzeqesë janë shtuar hapësirat e mbjella me agrume, por mungesa e përpunimit të tyre në vend, por edhe konkurenca e importit ka bërë që një pjesë e mirë e tyre të përfundojnë në plehra. Fermerët kërkojnë ndërhyrjen e shtetit, pasi me të mbjellat e tyre nuk po arrijnë të mbulojnë as koston e shpenzimeve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46