LUSHNJE-Një 28-vjeçar në Lushnje është arrestuar pasi ka goditur me mjete të forta në fytyrë e trup një 30-vjeçar.
 
Vasil Lleshi, 28 vjeç, banues në lagjen Nr.3 Cërrik, Elbasan u arrestua pasi në fshatin Gur, Divjakë, ka goditur me mjete të forta duke i shkaktuar dëmtime të rënda në fytyrë dhe në trup A.R, banues në Laprakë, Tiranë.
  
Konflikti ka nisur për motive të dobëta ndërsa i plagosuri ndodhet i shtruar në spital nën kujdesin e personelit mjekësor.
 
Pas largimit nga vendngjarja, policia u vu në ndjekje shtetasit Vasil Lleshi i cili u kap duke drejtuar në gjendje të dehur mjetin tip “Peugeot”, me targë AA 982 BR.

Redaksia Online
Al.N/Shqiptarja.com