POP 5

Lajmet më të lexuara të 5 minutave të fundit

Kronikë

Lejuan të ndërtoheshin banesa e biznese pa leje në Lushnjë, pezullohen nga detyra 4 punonjës dhe ish punonjës të IMT-së

4 punonjës dhe ish punonjës të IMT-së, janë pezulluar nga detyra pasi lejuan që të ndërtoheshin objekte pa leje në Lushnjë. Bëhet fjalë për Isa Buzin, Xhezmi Zylalin, Kudret Sulon dhe Gjergj Mëhillin.

Lejuan të ndërtoheshin banesa e biznese pa leje në Lushnjë, pezullohen nga detyra 4 punonjës dhe ish punonjës të IMT-së

Foto ilustruse

LUSHNJË- 4 punonjës dhe ish punonjës të IMT-së, janë pezulluar nga detyra pasi lejuan që të ndërtoheshin objekte pa leje në Lushnjë. Bëhet fjalë për Isa Buzin, Xhezmi Zylalin, Kudret Sulon dhe Gjergj Mëhillin.

4 të pezulluarit, gjatë viteve 2021 dhe 2022 kanë lejuar ndërtimin pa lejet përkatëse të 29 objekteve në Bashkinë e Lushnjës, kryesisht në banesa dhe biznese si dhe nuk kanë marrë masa për të ndëshkuar qytetarët të cilët kanë shkelur ligjin.

Si rezultat i një hetimi disamujor nga Komisariati i Policisë së Lushnjës dhe Prokurorisë është finalizuar operacioni i koduar si ‘Bulding’. Gjykata ka caktuar ndaj tyre masat ‘Pezullimi i ushtrimit të një detyre a shërbimi publik“ dhe “Detyrimi për t’u paraqitur“, për kryerjen e veprës penale “Shpërdorimi i detyrës".

Prokuroria  e Lushnjës ka ekzekutuar 8 masa sigurie për ish-zyrtarë të IMT dhe punonjës të policisë. Në total kanë qenë 8 persona të përfshirë për këtë operacion. Përveç Isa Buzit, Xhezmi Zylalit, Kudret Sulos dhe Gjergj Mëhillit prokuroria ka ekzekutuar masa sigurie edhe për 2 policë, një shofer dhe një pronar.

'Nisur nga hetimet e kryera nga Prokuroria, duke përdorur mjete të posaçme të kërkimit të provës, ka rezultuar edhe një episod korrupsioni aktiv/pasiv, ku konkretisht, në datën 25.02.2022, punonjësit e policisë H.T. dhe B.H., në shërbim në vendin e quajtur "Gosë", Kavajë, kanë ndaluar mjetin kamionçinë "Ford Transit", nën drejtimin e E.Sh., dhe pas kontrollit të dokumentacionit kanë konstatuar mungesë të policës së sigurimit për mjetin. Në këto kushte, punonjësit e policisë duhet të procedonin me masë administrative drejtuesin e mjetit. Përndryshe, këta punonës policie kanë kryer ndërveprime korruptive me drejtuesin e mjetit E.Sh. dhe pronarin e mjetit P.T. dhe më pas e kanë lejuar të largohet pa e proceduar/gjobitur administrativisht sipas ligjit.'- thuhet në njoftimin e prokurorisë. 

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53