POP 5

Lajmet më të lexuara të 5 minutave të fundit

Kronikë

Lushnjë/ Zjarri shkrumbon apartamentin, shkak dyshohet një shkëndijë elektrike. I moshuari u ndje keq kur pa shtëpinë në flakë, përfundon në spital

Ngjarja në lagjen "Kadri Qystri", dëme të shumta materiale në banesën e katit të katërt. Zjarrfikësit shuan flakët dhe ndaluan përhapjen. Pronari thotë se i fiku pajisjet elektro-shtëpiake para se të dilte

Lushnjë- Digjet një banesë në qytetin e Lushnjës, u rrezikuan nga flakët edhe apartamente të tjera afër. Pronari i moshuar i apartamentit, pasi e pa në flakë nga rruga, është ndjerë keq nga ana shëndetësore dhe banorët e çuan me urgjencë në spital, ku dhe ndodhet nën kujdes intensiv.

Vatra e zjarrit raportohet se ka rënë mëngjesin e sotëm, në lagjen “Kadri Qystri”. Dëmet materiale janë të shumta, po për fat të mirë nuk raportohet për viktima. Zjarri ka rënë në katin e katërt të godinës, teksa njoftohet se në ato momente në shtëpi nuk ka pasur njeri. Zjarrfikësit dhe policia shkuan menjëherë në vendngjarje dhe arritën t'i shuanin flakët, duke i lokalizuar dhe shmangur përhapjen e tyre më tej.

Sipas të dhënave paraprake, dyshohet se ka qenë një shkëndijë elektrike që ka shkaktuar zjarrin. Pronari i banesës tha se ishte larguar në orën 08:30 nga shtëpia dhe është njoftuar nga fqinjët për zjarrin. Pasi ka parë banesën në flakë, i moshuari nuk është ndjerë mirë dhe u dërgua për trajtim me urgjencë në spital, ku ndodhet nën kujdes. Sipas asaj çfarë u tha fqinjëve kur kishte dalë nga banesa, ai i kishte fikur të gjitha pajisjet elektro-shtëpiake para se të dilte.

Në apartament është djegur gjithçka, pavarësisht ndërhyrjes së zjarrfikësve, të cilët kanë shuar flakët për të mos rrezikuar banesat e tjera në pallat, si dhe kanë evakuar banorët e tjerë, për mos t’u rrezikuar jetët.

Policia vendore ka nisur edhe hetimet me një grup ekspertësh, për të zbuluar shkaqet e vatrës së zjarrit dhe priten informacione më të detajuara. Paraprakisht dyshohet për zjarr aksidental.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lushnjari: 13/08/2024 06:47

    Shyqyr qe shpetuat vete naun Zoti te dhente fuqi ty dhe cunin Ishalla bashkia e ndihmon kete pensionist te shkret qe gjith jeten me halle te medhaja ka pas

    Përgjigju
  • Ich: 12/08/2024 10:23

    Nje gje me beri pershtypje,se si zjarrfiksit Levizin ngadal e te qet sikur ven ne dasem,duke ditur se marrin parat duke ndenjur ulur gjith diten ne kafene dhe nevojiten per disa minuta ne vit.ju faleminderit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46