Presidenti francez Emmanuel Macron, gjatë një konference për shtyp në Londër, ku ndodhet për të marrë pjesë në Samitin e NATO-s, duke iu përgjigjur pyetjes se përse bllokoi hapjen e negociatave me Shqipërinë dhe Maqedoninë e Veriut, teksa këto dy bende i kanë përmbushur reformat, tha se
‘Në sytë e shumë njerëzve, unë jam presidenti francez që kam marrë rolin e njëriut të keq. Gjithsesi unë mendoj se nuk ishin kushtet, nga këndvështrimi europian, për hapjen e negociatave, se procedurat e pranimit janë shumë burokratike, vetëm strategjike dhe fare pak të mirëmenduara në aspektin e reformave’.
Presidenti francez tha gjithashtu se i njeh përpjekjet që ka bërë Shqipëria dhe Maqedonia e Veriut, por së pari duhet të reformohen procedurat e negociatave, të cilat, sipas Macron, duhet të jenë ‘të diferencueshme dhe të pakthyeshme, më shumë se politike dhe strategjike”.
“Qëllimi i vetos sime është reformimi, pastaj anëtarësimi i plotë i Ballkanit Perëndimorë në Europë”
“Unë e di, - tha Macron, që kjo është një sfidë edhe gjeopolitike, e cila ka të bëj me shmangien e atyre vendeve që do të tentojnë të mbushin boshllëkun e supozuar se do të krijohet, gjë që do të destabilizojë jo vetëm situatën e brendshme në këto dy vende por do të destabilizojë edhe kontinentin europian. Por duhet të jemi të qartë, - tha Presidenti francez, se procesi i pranimit duhet të kalojë në disa faza partneriteti strategjik”.
Macron tha se shume vende mendojnë që të bëhet fillimisht hapja e negociatave me Shqipërinë dhe Maqedoninë dhe pastaj, pas një apo disa dhjetra vjeçarësh të bëhet procesi i anëtarësimit. Macron tha se kjo metodologji është e gabuar dhe se në këtë mënyrë BE dëshpëron një brez të tërë njerëzish.
“Nëse duhet ti ankorojmë këto vende në BE, së pari ne duhet të investojmë te këto vende, në planin ekonomik, arsimor dhe kulturor’. ‘Unë, tha Macron - jam duke u përpjekur ta bëj”.
Presidenti francez the se vetëm në këtë mënyrë garantohet një proces anëtarësimi i pakthyeshëm dhe se vetëm paskësaj BE duhet të zgjerohet.
Macron tha se parteriteti me Shqipërinë dhe Maqedoninë duhet të jetë i fortë, intensiv dhe strategjik dhe se investimet në këto dy vende duhet të jenë të prekshme nga njerëzit. Ai tha se ‘Përpara se të hapen negociatat me vendet e Ballkanit Perëndimorë, BE duhet të reformojë veten. Unë – tha Macron, - shpresoj që këtë ta bëjmë përpara Samitit të Zagrebit dhe mbi këtë bazë të ecim përpara’.
Presidenti francez tha gjithashtu se ai është kundër çdo zgjerimi që nuk do të shoqërohej me një reformë të thellë brenda Unionit. Europa, - tha ai, - nuk është vetëm një treg i madh ekonomik. Europa është një projekt i shkëlqyer dhe se nuk mund të zgjerohet në kurriz të këtij koncepti politik të shkëlqyer.
Lajme të tjera
-
Emmanuel Macron dëshiron të kalojë në futboll, kandidat në zgjedhjet e ardhshme të FIFA-s?
25 Dhjetor, 13:51 -
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Kryeministri François Bayrou pritet të emërojë qeverinë e re të Francës
23 Dhjetor, 11:39 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46 -
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
BE-ja shpreson për progres në integrimin e serbëve pas zgjedhjeve në Kosovë
21 Dhjetor, 16:47 -
BE 30 miliardë € për Ukrainën vitin tjetër! Costa: Koha për ta forcuar
20 Dhjetor, 08:47 -
Presidenti italian: Rreziku i ndërhyrjeve të jashtme në Ballkan është tepër i lartë
20 Dhjetor, 07:36
