POP 5

Lajmet më të lexuara të 5 minutave të fundit

Bota

Macron thotë se kryeministri australian gënjeu rreth paktit për nëndetëse

Presidenti francez, Emmanuel Macron, ka thënë se është i sigurt që kryeministri australian, Scott Morrison, e ka gënjyer kur ka anuluar kontratën për nëndetëse ujore, që më vonë ka nxitur krizë diplomatike.

Presidenti francez, Emmanuel Macron, ka thënë se është i sigurt që kryeministri australian, Scott Morrison, e ka gënjyer kur ka anuluar kontratën për nëndetëse ujore, që më vonë ka nxitur krizë diplomatike.

Duke folur në margjina të Samitit të 20 vendeve më të industrializuara (G20) që është mbajtur në Romë, Macron është pyetur nëse mendon që Morrison e ka gënjyer atë, duke mos e njoftuar për dialogun me Britaninë dhe Shtetet e Bashkuara për paktin e ri.

“Nuk mendoj. E di”, është përgjigjur Macron.

Ai ka thënë se ka shumë respekt për Australianë mirëpo ka shtuar se “kur them respekt, e mendoj që duhet të jemi të sinqertë dhe të veprojmë në përputhje me këtë vlerë”.

Macron dhe Morrison janë takuar në Romë për herë të parë prej kur Australia ka hequr dorë nga një marrëveshje për blerje të nëndetëseve ujore nga Franca, meqë ka nënshkruar marrëveshje të re me SHBA-në dhe Britaninë.

Morrison ka thënë më vonë se nuk ka gënjyer dhe ia ka sqaruar Macronit se nëndetëset franceze nuk kanë qenë më në përputhje me interesat strategjikë të Australisë.

Njoftimi për marrëveshje të re për siguri e pati zemëruar Francën në muajin shtator dhe për pasojë, Macron ka kthyer mbrapsht ambasadorët francezë nga Uashingtoni dhe Kanbera.

Pakti i ri për siguri synon të luftojë Kinën.

Përmes tij, Australia do të rrisë kapacitetet për mbrojtje, përfshirë pajisjen me nëndetëse me fuqi bërthamore. REL

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mundësi të shkëlqyera për sukses...Çfarë parashikojnë yjet për ju sot

Mundësi të shkëlqyera për sukses...Çfarë parashikojnë yjet për ju sot

18 Janar, 07:25