Presidenti i Serbisë, Aleksandar Vuçiq, tha se pret që të nënshkruajë marrëveshje për blerjen e avionëve luftarakë gjatë vizitës së presidentit të Francës, Emmanuel Macron, në Beograd gjatë kësaj jave.
“Është një kontratë e madhe për vendin tonë dhe nuk është kontratë e vogël as për Francën”, tha Vuçiq gjatë një interviste për agjencinë AFP.
Marrëveshja për blerjen e avionëve francezë, Rafale, pritet të jetë multimiliardëshe.
Macron do të qëndrojë në vizitë zyrtare në Serbi më 29 dhe 30 gusht.
Kjo do të jetë vizita e dytë e presidentit francez në Serbi në pesë vjetët e fundit, teksa dy shtetet po forcojnë raportet e tyre, veçmas në fushën e ekonomisë.
Në shkurt të vitit 2023, Vuçiq u tha gazetarëve se blerja e avionëve Rafale do të jetë blerja më e madhe nga buxheti i ushtrisë serbe, “në një vlerë prej 3 miliardë eurosh”.
Çështjet ushtarake do të jenë pjesë e bisedimeve gjatë vizitës në Serbi, kishte konfirmuar Macron në një konferencë për media më 18 korrik gjatë Samitit të Komunitetit Politik Evropian, që u mbajt në Mbretërinë e Bashkuar.
I pyetur për statusin e kontratës për shitjen e avionëve francezë te Serbia, Macron deklaroi se ai do ta vizitojë Serbinë në javët apo muajt në vijim “për të finalizuar negociatat që janë subjekt i negociatave teknike, financiare dhe politike mes dy shteteve”.
Një tjetër çështje tjetër për të cilën Macron dhe Vuçiq do të bisedojnë do të jetë edhe Kosova. Gjatë një bisede telefonike të realizuar në mesin e qershorit, Vuçiq i tha Macronit se është e rëndësishme që çështja e zgjidhjes të mosmarrëveshjeve me Kosovën të mbetet lartë në agjendën e Bashkimit Evropian, teksa i kërkoi mbështetje udhëheqësit francez për këtë çështje./ REL
Komente
Lajme të tjera
-
Vulin ka gati listën e personave non grata në Serbi: Ka shtetas të huaj që kanë ardhur në protesta të dhunshme, por dhe narko-bosë nga Sarajeva dhe Prishtina
27 Gusht, 15:23 -
Grafite antishqiptare në Bujanovc, Kamberi letër ambasadave në Serbi: Po nxitet dhuna ndaj shqiptarëve në Luginën e Preshevës
27 Gusht, 11:35 -
Macron: Arrestimi i drejtuesit të aplikacionit ‘Telegram’ nuk është politik
26 Gusht, 21:11 -
Presidenti Vuçiç: Kam pasur biseda të dobishme me kreun e CIA-s për të ardhmen e rajonit
24 Gusht, 15:03 -
3 persona tentojnë të hyjnë ilegalisht nga Serbia në Kosovë, i ndalon policia
23 Gusht, 15:38 -
SHBA: Vlerësojmë partneritetin e Serbisë në luftimin e agresionit të Rusisë në Evropë
23 Gusht, 14:54 -
Serbi/ Merr flakë banesa, gjashtë të vdekur, mes tyre 4 fëmijë të mitur
23 Gusht, 10:44 -
Serbia kërkon të blejë avionë luftarakë nga Franca, Macron viziton Beogradin më 29 dhe 30 gusht
22 Gusht, 14:33 -
Vuçiç takim me ambasadorin rus në Serbi, diskutojnë për Kosovën
22 Gusht, 14:12 -
Vizita e shefit të CIA-s në Bosnje dhe Serbi, analistët: Përgjigje ndaj Kremlinit dhe aspiratave secesioniste
22 Gusht, 08:00 -
Shefi i CIA-s në Ballkan, në fokus të diskutimeve Kosova dhe Bosnja
22 Gusht, 07:32 -
Drejtori i CIA-s në vizitë të pakonfirmuar zyrtarisht në Beograd
21 Gusht, 22:06
nderkoh ne skemi as nje avjon per te shuar zjarrin.
Përgjigju