POP 5

Lajmet më të lexuara të 5 minutave të fundit

Politikë

Majko: Si në 1996, po shkojmë
drejt manipulimit të zgjedhjeve

Anëtari i kryesisë socialiste Pandeli Majko paralajmëron rrezikun e përsëritjes së fenomeve të zgjedhjeve të 1996. Deputeti socialist Pandeli Majko në adresën e tij në facebook publikoi dje një analizë me titullin “Sindromi “ARTURO UI”
TIRANE- Anëtari i kryesisë socialiste Pandeli Majko paralajmëron rrezikun e përsëritjes së fenomeve të zgjedhjeve të 1996. Deputeti socialist Pandeli Majko në adresën e tij në facebook publikoi dje një analizë me titullin “Sindromi “ARTURO UI” ku shprehet se të dhënat e shkëputura nga realiteti shqiptar paralajmërojnë një përkeqësim të situatës. Ai thotë se në politikën shqiptare po shfaqet sindromi i Artuor Ui-së, ndëshkimi i cdo kundërshtari politik dhe modeli i të fortit.

“Jemi në mes një barbarie që guxojmë ta quajmë “situatë rendi” por që mungesa e paqartësisë dhe shpesh e guximit na shtynë në shpejgime pa fund të “pse”-ve ditore.”- shkruan Majko.

Në të njëjtën ditë me daljen pas shumë kohësh, para mediave të kreut të PS, Majko shpjegon pse në politikën shqiptare po shfaqet sindromi i Artuor Ui-së.

“... Megjithëse patetike në dukje, mendoj se publiku shqiptar ka nevojë të rishikojë dramën “Arturo Ui”!... Kjo që po ndodh është një parathënie e njohur. E kemi parë por nuk duam ta ripranojmë se po na rindodh! Janë të gjtha në skenën shqiptare të vendosura deri në ironi. I kemi para syve “aktorët” që na ngjajnë me Xhirin, Xhivolën dhe të tjerë. “Djegjen e magazinave të Shitit” e kemi po ashtu. Akuzat pa fund për konspiracion janë në nivelin e batutës për nga ngjashmëria....
Mosbesimi ndaj politikës aktualisht është në kuota maksimale. Antipolitika edhe si “ves” intelektual po nxit refuzimin ndaj politikës dhe politikanëve. Ky fenomen shumë shpejt do të prodhojë protagonistët e vet publikë. Viti 2013 (kaq i zymtë me 13-tën në fund) është shanci që antipolitika pret që të rindodhi si në 1996. Dikush pas kësaj, mos u cudisni ta shikoni duke lexuar “testamentin” e falsifikuar të plakut Dok Zboru. “Mirëseerdhët në agoninë tuaj!”- Ky do të ishte konkluzioni për zgjedhjet e manipuluara elektorale. Për të gjithë, pa përjashtim! Megjithatë! Shikojeni dramën e të madhit Bertolt Breht, “Arturo Ui”, dhe vendosni vetë…Sa do të dëshiroja që i gabuari të isha unë. Padyshim!”- mbyll analizën Majko.
(su.ge/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Eduard Shalsi nis ‘punën’ si drejtues politik: PS do ta transformojë Kukësin si gjithë Shqipërinë

Eduard Shalsi nis ‘punën’ si drejtues politik: PS do ta transformojë Kukësin si gjithë Shqipërinë

10 Janar, 16:48 nga Benet Beqiri