KORÇË- Një konflikt që kishte nisur pesë vite më parë përfundoi tragjikisht me një person të vrarë me sëpatë në qendër të qytetit dhe në sy të bashkëshortes. Ditën e sotme, Korça u trondit ku rreth orës 14:00, Zamir Topi 42 vjeç qëlloi me sëpatë në kokë Dashnor Osmanin, 50 vjeç. Shkak është bërë një konflikt i hershëm mes tyre, ku viktima kishte varrosur babanë e tij në varrin pranë nënës së autorit, në tokën që 42-vjeçari e kishte blerë për të atin e tij, (sot i gjallë). Burime për Shqiptarja.com bëjnë me dije se Topi i kishte lënë afat 5 vite dhe më pas i kishte kërkuar që ta zhvarroste babanë, por një gjë e tillë nuk është marrë parasysh nga viktima, që më vonë i kushtoi dhe jetën. Disa metra larg vendit të ngjarjes, policia mundi të arrestojë Topin dhe të sekuestrojë sëpatën që e la në vendin e krimit.
Zamir Topi, autori vuante nga probleme të shëndetit mendor dhe kishte kartelë, e konfirmuar kjo edhe nga dëshmitarët që njihnin 42-vjeçarin, por pavarësisht kësaj, ata e përshkruajnë si një njeri të qetë që nuk ka sjellë probleme në lagje. Ai nuk ishte i martuar, por jetonte me të vëllanë dhe të atin në fshatin Pocestë i Korçës. Një njeri jo problematik dhe shumë punëtor e përshkruajnë edhe viktimën. Për të nxjerrë bukën e gojës, Dashnori i martuar dhe baba i dy fëmijëve, shiste banane pranë Pazarit të Korçës, në vendin edhe ku u vra në mënyrë makabër me sëpatë në kokë. E gjithë skena e krimit, mësohet se është parë nga bashkëshortja e viktimës.
Pas vrasjes, gazetarja Gladiola Hoxha raporton se uniformat blu kanë marrë në mbrojtje familjen e autorit, pasi i druhen një hakmarrje të mundshme. Persona të rastësishëm të gjendur aty pranë kanë njoftuar ambulancën, ndërsa tregojnë për Report Tv atë se çfarë panë.
"Rastësisht kalova dhe e pashë që ishin mbledhur shumë njerëz. Mora 127 që të vinin ta ndihmonin por mbaroi ai. Kokën ia kishin mbuluar. Ishte mbuluar me gjak. Njerëzit thonin që e kishin goditur me sëpatë, por nuk e dimë çfarë ka ndodhur", tha një prej dëshmitarëve.
Personi i gjetur i pajete
Bashkëfshatarët i përshkruajnë Dashnor Osmanin dhe Zamir Topin, viktimën dhe autorin e krimit makabër si njerëz të urtë dhe të qetë, që nuk sillnin probleme në fshat. Konflikti daton këtu e pesë vite më parë kur, Dashnori kishte varrosur shumë pranë varrit të nënës së Zamirit, babanë e tij. Këtë tokë, Zamiri pretendonte se e kishte blerë për të varrosur babanë, (sot i gjallë) por Dashnori nuk ishte bindur. Autori, për të cilët dëshmitarët shprehen se kishte kartelë, i kishte lënë afat 5 vite për të zhvarrosur nënën e tij, por kjo gjë nuk kishte ndodhur edhe pas ankesave të shumta që 42-vjeçari kishte bërë në Komunë.
Një detaj makabër që zbulojnë dëshmitarët për kamerën e Report Tv është se Dashnor Osmani u vra në mes të qytetit në sy të bashkëshortes së tij.
"Me të atin dhe vëllanë. Viktima kishte fëmijë. Njëri-tjetrin kishin pasur një problem varresh, këtu në fshat. Viktima djal i mirë, punonte në Korçë shisnin banane. Nuk kanë qenë persona problematik. Edhe autori ka qenë djalë i mirë. Autori kishte të ëmën. Viktima të atin. I kishin varrosur pranë njëri-tjetrit. Largo babanë nga nëna se është shumë afër. Se autori e kishte lënë atë vend për të atin. I kishte thënë mbush 5 vjet dhe ta largosh varrin, po ai nuk e largoi. Kishte vajtur edhe në Komunë, për t'u ankuar, por asgjë. Ishte edhe bashkëshortja, e vrau në sy të saj", tregojnë dëshmitarët.
Burime për Report Tv bëjnë me dije se policia ka marrë në mbrojtje familjen e Zamir Topit, 42 vjeç që qëlloi për vdekje me sëpatë Dashnor Osmanin 50 vjeç. Një vendim i tillë është marrë për të shmangur thellimin e tragjedisë, pas mund të ketë një hakmarrjeje të mundshme. Gazetarja Gladiola Hoxha raporton se Topi vuante nga çrregullimet mendore dhe ishte i pajisur me kartelë, teksa sjell edhe foton ku jetonte 42-vjeçari.
Ky është Dashnor Osmani, 50-vjeçari i cili gjeti vdekjen pasi u godit me sëpatë në kokë, pas sherrit me Zamir Topin. Ky i fundit e akuzonte se i ka dëmtuar varrin e nënës, pas pranë saj prehej një i afërm i tij.
Gazetari i Shqiptarja.com Elton Qyno, zbardh dëshminë e dhënë në polici të personit të arrestuar për vrasjen në Korçë.
Zamir Topi ka deklaruar se shkak për ngjarjen e rëndë është bërë një sherr me Dashnor Osmanin për varrin e nënës. Autori pretendonte se Osmani, i cili shiste banane në zonën e Pazarit të Korçës, i ka dëmtuar varrin e nënës.
Topi dhe Osmani kanë varrosur në 2014 në Korçë të afërmit pranë njëri-tjetrit, dhe autori i krimit kishte ngritur pretendimet se Dashnor Osmani i kishte dëmtuar rëndë varrin e nënës së tij. Zamir Topi ka pohuar se i kishte kërkuar Osmanit të hiqte varrin e të afërmit nga aty dhe t'i rregullonte varrin e nënës. Mes Osmanit dhe Topit, ka pasur konflikt të vazhdueshëm për këtë çështje.
Gjatë marjes në pyetje mësohet se Topi ka shfaqur pendesë për krimin.
Komente
Lajme të tjera
-
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
Lufta/ Vrasja e gjeneralit të armëve bërthamore Kirillov, arrestohet 29-vjeçari uzbek, i dyshuar edhe një person i dytë! Moska: I rekrutuar nga Kievi!
18 Dhjetor, 08:18 -
Durrës, 33-vjeçari u gjet i vdekur në kanalin e ujërave të zeza, arrestohet pas 8 ditësh shoku! E hodhi nga ura dhe fshehu krimin: S'doja ta vrisja, më ngacmonte gruan! (EMRAT)
10 Dhjetor, 19:41 -
Ekzekutimi i biznesmenit Ardian Nikulaj, Prokuroria e Lezhës çon në gjyq portugezin Ruben Saraiva! Vrasja për gjakmarrje! Veçohet dosja për 4 të tjerët (VIDEO)
6 Dhjetor, 13:33
-
EKSKLUZIVE/ Djali iu vra me thikë 9 muaj më parë në Fier, prindërit e Greit mes lotësh: S’lejojmë askënd të përdhosë gjakun e tij, duam drejtësi! Ishte drita e shtëpisë
5 Dhjetor, 14:44
-
'Moho, Mbro, dëshmo!' Tri fjalët e shkruara në plumbat e ekzekutorit të Brian Thompson! Shefi ekzekutiv i kompanisë “UnitedHealthcare” dyshohet se u vra për hakmarrje
5 Dhjetor, 13:13 -
Korçë/ Kishte humbur kontaktet me familjarët, 45- vjeçari gjendet i pajetë në mjetin e tij
4 Dhjetor, 16:53
-
SHBA/ 27 vjeçarja shqiptare vrau burrin me armë dhe më pas veten, vëllai i viktimës: I zbuloi tradhtinë, Pajtimi donte të divorcohej
3 Dhjetor, 09:08 -
Itali/ Vrasja e Van Koxhës pas sherrit në Marghera, Gjykata lë në burg 2 shqiptaro-maqedonasit e arrestuar: Nuk e bëmë ne! (EMRAT)
2 Dhjetor, 13:15 -
Tiranë/ 50-vjeçari ekzekutohet brenda lokalit 'Kështjella'! Autori i dyshuar kunati i Altin Hajrit, pronar i 'Golden'! Viktima kishte punuar si menaxher i kompleksit ku u rrëmbye Jan Prenga (EMRAT+VIDEO)
1 Dhjetor, 15:54 -
E rëndë në Greqi/ 46-vjeçari shqiptar vret gruan me thikë, vihet në pranga! Plagoset edhe djali, tentoi të shpëtojë të ëmën (FOTO)
1 Dhjetor, 11:19 -
Itali/ Vrau Nikolin Nikën pas sherrit në lokal, 62-vjeçari shqiptar lihet në burg: Mbrojta veten, më sulmoi! (EMRI)
28 Nëntor, 19:01
E para eshte për të ardhur keq nga motivi, psikologjia e motivit e cila shpreh tragjicitet të lidhur me komizëm. Tragjikomike sepse ordinerlleku eshte gjithnjë tragjikomik. Dhe e dyta eshte perseri për të ardhur keq kur shikon gjith atë turmë të mbledhur sehirxhinjsh si në vendet arabe. Turp! Shoqëri e prapambetur!
PërgjigjuAkoma ska dale muaji i pare i vitit dhe janë bere tëre keto vrasje atentate aksidente vjedhje dhune etj, te panumerta. Po deri në fund të vitit?
PërgjigjuPo mor katnar Vlore, ktu ke tdrejt!
Pervec nja dy tre të rinjve aty gjith të tjerët fytyrëdërrmuar egërsira neandertale. Mesjete!
Përgjigju