‘Makina luksoze, mijëra euro dhe banesa’, Prokuroria e Lushnjës konfiskon pasuritë e ‘Julit të Pashakos’ dhe dy personave të tjerë! Janë siguruar nga veprimtari kriminale

Prokuroria e Lushnjës ka konfiskuar pasuritë e tre personave. Dyshohet se Julian Sula, Demir Licka dhe Fatmir Abdurramani kanë ngritur pasuritë e tyre duke kryer veprimtari të paligjshme.  Në njoftimin zrytar të dhënë nga prokuroria, bëhet me dije se hetimet ndaj tyre janë nisur në vitin 2021 dhe janë përfunduar në nëntor të këtij viti duke vendosur konfiskimin e pasurive të cilat nuk justifikohen me të ardhurat e ligjshme të këtyre personave.

Julian Sula ose 'Juli i Pashakos' nuk është i panjohur për drejtësinë. Në vitin 2019 ai ishte nën hetim për vrasjen e Zamir Latifit në 2017-tën ku shënjestër ishte nipi i Aldo Bares, Xhulio Kurti. Në 2019-tën atij iu sekuestrua shuma prej 70 mijë eurosh dhe makina me vlerë 100 mijë eurosh. 

1.  Pasuritë e sekuestruara të Julian Sulës:

Konfiskimi i pasurive të luajtshme dhe të paluajtshme në zotërim të shtetasit J.S, të përshkruara si më poshtë vijon:

Shuma monetare prej 70.060 Euro në zotërim të shtetasit J.S.;

Pasuria e luajtshme automjet tip "Porsche Cayanne", në zotërim të shtetasit J.S.;

Apartament "Ap. C kati i IV" me sipërfaqe 110,2 m2, në objektin e ndodhur në lagjen nr. 2, Rruga "Vasil Kuqi", zk 8513.

2. Pasuritë e sekuestruara të Demir Lickës:

Objekti 1-kat, me funksion lokal, me sipërfaqe ndërtimore 180m² dhe sipërfaqe parcele ndërtimore prej 1050,4m2, të ndodhur në Lagjen "18 Tetor", qyteti Lushnjë;

Automjet tip "Volkswagen Passat" me shasi "EVEZZZ3CZ6E124723", në pronësi të shtetasit D.L.

3. Konfiskimi i pasurive të Fatmir Abdurramanit:

Pasuria Nr.22/314-N14, z.k.8571, Lushnje, me sipërfaqe 184.11 m2, e llojit “njësi shërbimi”;

Pasuria Nr.22/314-N15, z.k.8571, Lushnje, me sipërfaqe 54.9 m2, e llojit “njësi shërbimi”;

Pasuria Nr.18/199+2-89, z.k.8571, Lushnjë, me sipërfaqe 130.58m2, e llojit “apartament”;

Pasuria Nr.22/314-G, z.k.8571, Lushnje, me sipërfaqe 107.95 m2, e llojit “garazhd”;

Lokal shërbimi me sipërfaqe 64,8 m2-Aksi (E-II) (6-7);

Apartament me nr.3, kati IV, kuota 18.63, me sipërfaqe 78.49m2 i porositur me kontratën noteriale të sipërmarrjes për prenotim apartamenti me Nr.178 Rep, Nr.111;

Pasuria Nr.22/314-N13, z.k.8571, Lushnje, me sipërfaqe 27.03 m2, e llojit “njësi shërbimi”, sipas nenit 12/a/1 të ligjit nr.10192 datë 03.12.2009.

Ndërsa Fatmir Abdurramani mësohet se është dënuar më parë në Itali për veprën penale të shfrytëzimit të prostitucionit. Në korrik të këtij viti, prokuroria kërkoi sekuestrimin e pasurive të tij dhe të të afërmve të tij. 

Rendit zhvillimet sipas orarit:

Të Fundit Të Parat

B.V/KT/Shqiptarja.com

TAG:
• lushnje
• Fatmir Abdurramani
• Demir Licka
• Julian Sula