Pas aksidentit të regjistruar pasditen e së mërkurës në lagjen “5 maji” ku një mjet përplasi një fëmijë 4-vjeç teksa po kalonte rrugën, komuniteti i asaj lagjeje u ngrit sot në protestë.
Të prekur nga ngjarja e rëndë dhe të shqetësuar për jetën e fëmijëve të tyre, banorët kërkuan ndërhyrje në infrastrukturë dhe sinjalistikën rrugore. Fakti që aty pranë ndodhet Drejtoria Rajonale e Transportit Rrugor bën që të jetë një rrugë me lëvizje intensive.
Sipas banorëve vendosjen e policëve në rrugë e kanë kërkuar disa herë , por asnjë masë nuk është marrë nga pushteti vendor, për të cilën thonë se kujtohet për ta vetëm në kohë fushate.
“Kemi një problem të madh. E kanë bërë rrugë mirë, por nuk kanë bërë bordurat, fëmija ka dalë me vrap nga shtëpia dhe këtu. E kemi shumë problem për të këto bordurat. Kjo është e dyta herë. Gjithë lagja ka bërë ankesë, e kemi bërë të ditur dhe në bashki, asnjë se ka vënë dorën në zemër. “, u shpreh një banor i zonës.
“Fëmija merr lekët dhe ikën dyqan, nuk i dinë vizat bardha, makinat duhet të ecin ngadalë. Mbrëmë e kapi çunin dhe e përplasi. Është tronditur në tru, në kafkë, kemi qenë në spitalin Ushtarak, gjendja e tij është e keqe.”, tha një tjetër banor.
"S’bëjnë për romët asgjë, kërkojmë bordurat për rrugën, kemi bërë kërkesa, këtu nuk bëhet asgjë.”, thotë një tjetër person.
Përfaqësuesi i komunitetit Rom, avokati Gentian Sejrani pohoi se një drejtori si ajo e Kontrollit Teknik të mjeteve, e cila ndodhet në këtë lagje, nuk duhet të jetë kurrsesi pranë një zone të banuar si kjo.
“Shqetësimi i kësaj lagje, është se shumë afër ndodhet dhe Kontrolli Teknik i Automjeteve. Nuk duhet që në një zonë që ka shumë banorë, një nga lagjet më të populluar të Elbasanit e të ndodhet ky institucion, që me patjetër do ketë një lloj ngarkesë të rënduar trafiku, për aq më shumë që nuk ka asnjë lloj sinjalistike, që të vendoset e të marri në mbrojtje këta qytetarë. Ne duhet të shtyjmë dhe të nxisim ndryshimin e kësaj vendodhjeje të Kontrollit Teknik.” , shprehet avokat Sejrani.
4-vjeçari i aksidentuar një ditë më parë është transportuar për kurim të specializuar në kryeqytet, në spitalin Ushtarak, ndërsa pas aksidentit banorët e pranishëm qëlluan me gurë mjetin që drejtohej nga 26-vjeçari që shkaktoi aksidentin, i cili është arrestuar tashmë.
Lajme të tjera
-
Aksident në aksin Librazhd-Prrenjas/ Makinat përplasen me njëra-tjetrën, njëra përfundon e kthyer përmbys
18 Dhjetor, 14:31 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
Aksident i rëndë në rrugën Lezhë-Laç, vdes pas përplasjes së dy mjeteve shoferi 65-vjeçar! Policia procedon drejtuesin tjetër (EMRI+VIDEO)
18 Dhjetor, 10:44 -
Korçë/ Aksident pranë fshatit Libonik, mjeti del nga rruga dhe kthehet përmbys! Policia në vendngjarje
17 Dhjetor, 20:32 -
Tiranë/ Aksident i trefishtë në Sauk, një i plagosur! Report Tv siguron foto dhe VIDEO nga vendngjarja
17 Dhjetor, 17:09 -
Aksident në Lezhë, plagoset rëndë drejtuesi i motoçikletës! E përplasi 73-vjeçari me zetor (VIDEO)
17 Dhjetor, 15:45 -
Rruga nacionale Rrëshen-Burrel e pakalueshme nga gropat dhe rrëshqitjet e tokës, nuk mirëmbahet nga ARRSH-ja! Kryebashkiaku: Kërkojmë investim nga Qeveria
17 Dhjetor, 14:41
-
Aksident në aksin Lushnjë-Berat/ Makina përplas për vdekje 63 vjeçarin nga Durrësi (EMRI)
17 Dhjetor, 13:55 -
‘Veri jug’ në Peqin, qyteti i gjelave të detit, fermeri: Si këta nuk gjen askund në Shqipëri
15 Dhjetor, 15:40
-
Aksident në aksin Tiranë-Elbasan/ Kamioni përplaset me makinën, 2 të plagosur
14 Dhjetor, 16:15 -
Aksidentohet autoblindi në veri të Kosovës, plagosen 8 policë
14 Dhjetor, 07:43 -
Aksidentet rrugore, eksperti: Një nga arsyet pse ndodhin, mungesa e kulturës rrugore! Rrugët nuk mirëmbahen, tapeti i asfaltit ndërrohet vetëm kur ka gropa
13 Dhjetor, 14:40
