Një ngjarje e rëndë ka ndodhur në Malësinë e Madhe ku një 48-vjeçare dyshohet se është vetëhedhur nga një shkëmb në një grykë të rrëpirë mali ku ka humbur edhe jetën. Familjarët e saj kishin denoncuar në polici se 48-vjeçarja Shpresa Hasramaj nga fshati Meshqerraj ishte larguar paraditen e 24 dhjetorit nga banesa dhe nuk ishte kthyer më.
Policia ka nisur menjëherë kërkimet për gjetjen e saj ku në fshat në afërsi të një gryke (shpellë) janë gjetur telefoni i saj dhe një fletore. Sipas policisë dyshohet se 48-vjeçarja të jetë vetëhedhur në shpellë dhe të ketë humbur jetën.
Për shkak të territorit shumë të vështirë nuk u bë e mundur gjetja e saj dhe kërkimet janë ndërprerë, pasi pritet që në vendin e ngjarjes, në orët e para të mëngjesit të mbërrijë edhe forcat e RENEAS dhe FNSH-së me mjete të specializuara për të bërë të mundur gjetjen e trupit të 48-vjeçares.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)