POP 5

Lajmet më të lexuara të 5 minutave të fundit

Arkiva

Mali historik i Nemrut do të
mbrohet me anë të një muri

Tumat e malit të Nemrutit i cili ndodhet në listën e trashëgimisë botërore të UNESCO-s do të mbrohen me ndërtimin e një muri me lartësi një metër. Mali i Nemrutit i cili njihet ndryshe si "vendi në të cilin ndiqet dhe shikohet lindja dhe perëndimi më i bukur i dellit" në qytezën e Kahta-s, aty ku ndodhet edhe Varri i Commagenes, Mbretit Antiochus dhe një tumë prej 50 metrash e lartë dhe 150 metra e gjerë çdo vit tërheq vëmendjen e qindra mijëra turistë që vërshojnë për të parë bukuritë natyrore në tarracën lindore dhe atë perëndimore.
Tumat e malit të Nemrutit i cili ndodhet në listën e trashëgimisë botërore të UNESCO-s do të mbrohen me ndërtimin e një muri me lartësi një metër.
 
Mali i Nemrutit i cili njihet ndryshe si "vendi në të cilin ndiqet dhe shikohet lindja dhe perëndimi më i bukur i dellit" në qytezën e Kahta-s, aty ku ndodhet edhe Varri i Commagenes, Mbretit Antiochus dhe një tumë prej 50 metrash e lartë dhe 150 metra e gjerë çdo vit tërheq vëmendjen e qindra mijëra turistë që vërshojnë për të parë bukuritë natyrore në tarracën lindore dhe atë perëndimore.
 
Ndërkohë Prefektura e Adiyamanit në Turqi ka vendosur të ndërtojë një murë rreth një metër të lartë i cili do të shërbejë për mbrojtjen e tumave si dhe do të mënjanojë prishjen e këtyre veprave historike nga vizitorët. Muri është menduar të ndërtohet me gurë natyralë të marra nga zona për rreth.
 
Duke u vendosur edhe zinxhirë mbi muret e ndërtuara do të iu mundësohet turistëve që të shëtisin pa i shkaktuar dëme pjesës historike në këtë vend.
 
- Tumat janë ulur deri në 5 metra-
 
Në një deklaratë për AA, Prefekti i Adiyamanit, Mahmut Demirtas tha se tumat në kohën e ndërtimit ishin rreth 55 metra të larta, ndërsa tashmë ato kanë rënë duke e çuar lartësinë e tyre në 50 metra.
 
"Për fat të keq materialet e tumave janë duke rrëshqitur. Duhet të marrim masa për parandalimin e këtij fenomeni" tha Demirtas dhe shtoi më tej se kanë filluar punimet për ndërtimin e murit i cili do të pengojë këtë dukuri.
 
Ai thekson gjithashtu se për të penguar turistët që të prekin bustet ndërkohë që kalojnë mes tyre është menduar që të vendosen zinxhirë mbi muret që do të ndërtohen.
 
Demirtas thekson gjithashtu se për ruajtjen e kësaj bukurie dhe trashëgimi të rrallë historike është menduar që të vendoset edhe një sistem sigurie i cili përfshin kamera. "Malin e Nemrutit i cili njihet edhe si mrekullia e tetë e botës duhet ta ruajmë dhe për këtë kemi vendosur të ngremë një sistem kamerash në mënyrë që të jetë 24 orë nën vëzhgim" shtoi Demirtaş në përfundim ë fjalës së tij.


Redaksia Online
( b.h/Shqiptarja.com )

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13