POP 5

Lajmet më të lexuara të 5 minutave të fundit

Kosova & Rajoni

Mali i Zi i shpëton borxhit kinez

Mali i Zi ka arritur një marrëveshje me katër banka ndërkombëtare për të shmangur rrezikun që paraqiste për të një borxh 1 miliard dollarë ndaj Kinës. Lajmin e bëri të ditur agjencia e lajmeve MINA, e cila i referohet një deklaratë të ministrit të Financave, Milojko Spajiç

Mali i Zi i shpëton borxhit kinez

Mal i Zi

Mali i Zi ka arritur një marrëveshje me katër banka ndërkombëtare për të shmangur rrezikun që paraqiste për të një borxh 1 miliard dollarë ndaj Kinës. Lajmin e bëri të ditur agjencia e lajmeve MINA, e cila i referohet një deklaratë të ministrit të Financave, Milojko Spajiç. Marrëveshja që rifinancon borxhin parashikon edhe uljen e normës së interesit për shlyerjen.

Ministri i Ekonomisë Jakov Milatoviç tha për Reuters në fillim të këtij muaji se Mali i Zi ishte afër sigurimit të një marrëveshjeje për shkëmbimin ose rifinancimin e borxhit dhe shpresonte të ulte normën e interesit në nën 1%.

Mali i Zi, me 620,000 banorë, mori një hua prej 944 milionë dollarë nga Kina në vitin 2014 për të financuar një rrugë 41 km (25 milje) të një autostrade e cila, pasi të përfundojë, duhet të lidhë portin e saj kryesor të Barit me Serbinë fqinje, pa dalje në det.

Marrëveshja e re është nënshkruar me Societe Generale të Francës, Deutsche Bank të Gjermanisë, Merrill Lynch International dhe Goldman Sachs International me bazë në SHBA dhe ka një afat 14-vjeçar.

“Ne e kemi shpëtuar borxhin publik të Malit të Zi nga rreziku që ka qenë si lak në qafën e shtetit”.- tha Spajic.

Mali i Zi do të paguajë një normë interesi në euro prej 0.88% në vend të 2% që kishte paguar në dollarë amerikanë. Kjo do ta ndihmojë vendin të ulë borxhin e tij publik me rreth 103%.

Kredia nga Banka Eksport-Import e Kinës u mor në 2014 për një periudhë gjashtë-vjeçare, me maturim shtesë 14-vjeçar. Principali tashmë ka filluar të shlyhet.

Ekonomia e Malit të Zi u tkurr me 15% në vitin 2020, një nga tkurrjet më të mëdha në Evropë, pasi pandemia COVID-19 dëmtoi turizmin, burimin e tij kryesor të të ardhurave të vendit. Qeveria në Podgoricë parashikon rritje ekonomike 2021 me 10.5%, e ndjekur nga 6-7% në 2022.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/07/2021 01:51

    Po ne valle,sa e kemi borxhin ndaj Kines ?

    Përgjigju
  • Arbëri: 22/07/2021 11:03

    Bravo, kështu punohet për shtetin !

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dritan HIla: Doktori që nuk harron vesin

Dritan HIla: Doktori që nuk harron vesin

5 Nëntor, 19:14 nga Dritan Hila