Udhëheqësit e Malit të Zi shënuan 5 vjetorin e anëtarësimit të vendit në NATO, duke e vënë theksin tek vlerat e përbashkëta me aleancën ushtarake perëndimore.
Presidenti Milo Gjukanoviq shprehte në Twitter krenarinë për kontributin në mbrojtjen e këtyre vlerave.
“Ne u jemi mirënjohës miqve, partnerëve dhe aleatëve tanë për mbështetjen e tyre në zhvillimin e kapaciteteve tona dhe arritjen e standardeve të një anëtari të përgjegjshëm të NATO-s”, shkruan zoti Gjukanoviq në Twitter.
Edhe kryeministri i Malit të Zi, Dritan Abazoviq shënoi këtë përvjetor me një deklaratë në media.
“Ndiejmë liri dhe siguri për shkak të kontributit tonë të përbashkët për sigurinë kolektive. Është ky komunitet i demokracisë, vlerave dhe qëndrueshmërisë. E ardhmja e Malit të Zi është e sigurtë, ne jemi NATO”, tha ai.
Ambasada Amerikane në Podgoricë njoftoi se Shtetet e Bashkuara të Amerikës janë krenare që janë mike, partnere dhe aleate të Malit të Zi.
“ Urime Malit të Zi në 5 vjetorin e anëtarësimit në NATO. SHBA-të janë krenare për miqësinë, partneritetin dhe aleancën me ju”, thuhet në njoftimin e ambasadës amerikane.
Pesë vjet më parë Mali i Zi u bë zyrtarisht anëtari i 29-të i Aleancës.
Rusia reagoi ndaj anëtarësimit të Malit të Zi, duke ndërmarrë hapa praktike për ta ndëshkuar atë për radhitjen me perëndimin , duke përdorur edhe përpjekjen për grusht shteti në Mal të Zi.
Moska me ndihmën e Beogradit zhvilloi një fushatë negative ndaj Malit të Zi, e cila vazhdon edhe sot dhe instaloi forca të ndryshme politike në këtë vend, të kontrolluara nga këto dy vende./VOA
Lajme të tjera
-
Kickbox/ Skandal në Malin e Zi, arbitri godet me trofe në fytyrë trajnerin kosovar (Video)
24 Nëntor, 11:43 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Shefi i NATO-s takohet me Trumpin në Florida
23 Nëntor, 12:35 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Trump zgjedh Matthew Whitaker për postin e ambasadorit në NATO
20 Nëntor, 19:15 -
I dërguari i SHBA për Ballkanin Perëndimor, vizitë në Malin e Zi: Mbështesim reformat në sundimin e ligjit
20 Nëntor, 15:45 -
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Ish-kryeministri malazez Abazoviç viziton Ramën në studion e tij: Edi, padyshim një nga njerëzit më origjinalë në skenën politike botërore!
19 Nëntor, 18:55 -
Ish-ministrja e Mbrojtjes e Maqedonisë së Veriut emërohet zv.sekretare e NATO-s
19 Nëntor, 13:19
