POP 5

Lajmet më të lexuara të 5 minutave të fundit

Kosova & Rajoni

Mali i Zi urdhëron ekstradimin në SHBA të ish-bosit koreanojugor të kompanisë së kriptomonedhave

Ministri malazez i Drejtësisë Bojan Bozovic urdhëroi ekstradimin për në Shtetet e Bashkuara të bashkëthemeluesit të kompanisë ‘Terraform Labs’, Do Kwon, i cili është shpallur gjithashtu në kërkim nga Koreja e Jugut, thuhej në një njoftim të zyrtarëve malazezë sot

Mali i Zi urdhëron ekstradimin në SHBA të ish-bosit koreanojugor të kompanisë së kriptomonedhave

Arrestimi në Malin e Zi i Do Kwon, kreut të kompanisë së kriptovalutës

Ministri malazez i Drejtësisë Bojan Bozovic urdhëroi ekstradimin për në Shtetet e Bashkuara të bashkëthemeluesit të kompanisë ‘Terraform Labs’, Do Kwon, i cili është shpallur gjithashtu në kërkim nga Koreja e Jugut, thuhej në një njoftim të zyrtarëve malazezë të premten.

Do Kwon, shtetas i Koresë së Jugut, ka qenë ish-drejtues ekzekutiv i ‘Terraform Labs’, me bazë në Korenë e Jugut, kompania që qëndron pas ‘TerraUSD’, një kriptomonedhë që ishte parashikuar të mbante një çmim konstant në treg prej 1 dollarësh. Falimentimi i saj në maj 2022, tronditi tregjet e kriptomonedhave.

Kwon u arrestua në mars të vitit 2023 teksa po përpiqej të largohej nga Mali i Zi.

Pasi Gjykata e Lartë përcaktoi se ishin plotësuar të gjitha kushtet ligjore për ekstradimin e Do Kwon, Ministria e Drejtësisë arriti në përfundimin se shumica e kritereve ligjore favorizonin kërkesën amerikane.

Ministri Bozovic ndërkohë refuzoi një kërkesë të ngjashme të Koresë së Jugut. Do Kwon mohon të ketë kryer ndonjë shkelje ligjore. Ai përballet me akuza penale në SHBA.

Kwon dhe kompania e tij ‘Terraform Labs’ janë paditur nga Komisioni Amerikan i Letrave me Vlerë në shkurt të vitit 2023 lidhur me kriptomodhenat ‘TerraUSD’ dhe ‘Luna’, për të cilat autoritetet kanë thënë se kanë shkaktuar rreth 40 miliardë dollarë humbje në tregjet e kriptomonedhave.

Komisioni Amerikan i Letrave me Vlerë akuzon ‘Terraform’ dhe Kwon se mashtruan investitorët në lidhje me stabilitetin e ‘TerraUSD-së’. /VOA/

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi