POP 5

Lajmet më të lexuara të 5 minutave të fundit

Kosova & Rajoni

Mali i Zi zbulon tunelin 30 metra që të çonte tek Gjykata e Lartë, reagon Abazoviç: U hap me ndihmën e punonjësve të gjykatës

Një tunel që dyshohet se është hapur nga mafia dhe të nxjerr në Gjykatën e lartë u zbulua në Podgoricë të malit të Zi. Kryeministri Dritan Abazoviç foli për minim të shtetit dhe garantoi se autorët do të dalin para drejtësisë.

Një tunel rreth 30 metra i gjatë është zbuluar në Mal të Zi dhe kjo rrugë nëntokësore të çon në ambientet e brendshme të Gjykatës së Lartë. Sipas medias malaziase “Vijesti”, tuneli është hapur nga mafia dhe ky rrugë u mundësoi atyre aksesin në Gjykatën e Lartë të Podgoricës. Mësohet se nga hetimet e kryera, rezulton se pas tunelit qëndron një grup kriminal, pasi aty janë gjetur sende që i përkasin një anëtari të këtij grupi, Slobodan Kašćelan.

Vijesti shkruan se tuneli është hapur para maksimumi një muaj e gjysmë. Sipas këtyre informacioneve, pronarët e kanë dhënë me qira banesën në bodrumin e pallatit, përballë ndërtesës së gjykatës, në fund të muajit korrik. Aksioni me shumë gjasa është kryer në muajin gusht, ndërkohë që pjesa më e madhe e punonjësve në administratën shtetërore, përfshirë edhe Gjykatën e Lartë, ishin me pushime.

Kryeministri Dritan Abazoviç, ministri i Drejtësisë Marko Kovaç dhe ai i Punëve të Brendshme Filip Axhiç vizituan banesën nga u hap tuneli për në Gjykatën e Lartë. Abazovic tha se do të kërkojë përgjegjësi nga përfaqësuesit e atij institucioni dhe se është tentuar minimi i shtetit.

"Mafia sado e fortë të jetë financiarisht, sado mbështetje të ketë brenda institucioneve të sistemit, përfshirë drejtësinë, nuk do ta mposhtë vendin. Ne duhet të kujdesemi që ata që e bënë këtë të sillen para drejtësisë”, u tha Abazoviç gazetarëve. Ai beson se hapja e tunelit nuk mund të bëhej pa ndihmës brenda institucionit të Gjykatës së Lartë.

S.S/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34