POP 5

Lajmet më të lexuara të 5 minutave të fundit

Kronikë

Maliq, arrestohet për dhunë në
familje, i gjendet arsenal armësh

Një 38 – vjeçar është arrestuar në Maliq pas kishte ushtruar dhunë ndaj bashkëshortes së tij dhe fëmijëve, ndërkohë që nga kontrolli i ushtruar në banesë i është gjetur një arsenal armësh.
MALIQ- Një 38 – vjeçar është arrestuar në Maliq pas kishte ushtruar dhunë ndaj bashkëshortes së tij dhe fëmijëve, ndërkohë që nga kontrolli i ushtruar në banesë i është gjetur një arsenal armësh.
 
Burime zyrtare nga policia bëjnë me dije se në banesën e Festim Kumes, janë gjetur 3 pistoleta artizanale, një pushkë model 54 dhe fishekë.

Ka qenë bashkëshortja e  38- vjeçarit e cila ka kërkuar ndihmën e policisë nëpërmjet një telefonate, duke u shprehur se bashkëshorti i saj ishte duke ushtruar dhunë mbi të dhe fëmijët e saj. Mbi Festim Kume rëndon akuza e  “Dhunës në familje” dhe “Prodhimi dhe mbajtja pa leje e armëve luftarake dhe e municionit".


armet korce
(Armët e sekuestruara në banesën e Festim Kume)
 
Njoftimi i policisë:

Policia ndërhyn në kohë dhe parandalon përshkallëzimin e mëtejshëm të një konflikti të mprehtë në familje.

Ushtronte dhunë fizike në mënyrë të përseritur ndaj bashkëshortes dhe dy fëmijëve të tij të mitur, arrestohet në flagrancë nga Policia.

Gjatë kontrollit në banesë i gjenden dhe sekuestrohen armë dhe municione luftarake pa lejen e organeve kompetente.

Specialistët e Seksionit për Krimet në Komisariatin e Policisë Maliq, bënë kapjen dhe arrestimin në flagrancë të shtetasit :

Festim Kume, 38 vjeç, banues në fshatin Velitërnë.

Më datë 03.10.2017, në numrin 129 të Policisë ka telefonuar shtetasja D.K, 37 vjeçe, banuese në fshatin Velitërnë, bashkëshortja e shtetasit të lartpërmendur, e cila ka kërkuar ndihmën e Policisë pasi Festim Kume, në banesë po ushton dhunë fizike ndaj saj dhe dy fëmijëve të mitur.

Shërbimet e Policisë të Komisariatit Maliq, falë vlerësimit në kohë të telefonatës si edhe veprimeve të shpejta policore kanë shkuar në vendngjarje. Gjatë verifikimeve të kryera rezulton se shtetasi i mësipërm në gjendje të dehur, si dhe në mënyrë të përsëritur ka ushtruar dhunë fizike e psikologjike ndaj bashkëshortes dhe fëmijëve të tij të mitur. Gjatë kontrollit të ushtruar në banesën e tij, shtetasit të mësipërm iu gjetën e sekuestruan në cilësinë e provës materiale :

1 pushkë model 56

3 armë artizanale pistolete,

1 krëhër automatiku model 56 si edhe

21 copë fishekë luftarakë, të cilat ky shtetas i posedonte pa lejen e organeve kompetente.

Materialet i kaluan Prokurorisë të Rrethit Gjyqësor Korçë për veprat penale : “Dhuna në familje” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 130/a/4 dhe 278 të Kodit Penal
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Hyn në fuqi strategjia afatmesme e të ardhurave, goditje nëndeklarimit të pagave! Synohet mbledhja e 650 mln eurove të ardhura

Hyn në fuqi strategjia afatmesme e të ardhurave, goditje nëndeklarimit të pagave! Synohet mbledhja e 650 mln eurove të ardhura

15 Janar, 20:43 nga Eliza Gjediku