POP 5

Lajmet më të lexuara të 5 minutave të fundit

Kronikë

Mallakastër, 16-vjeçarja lindi foshnjën, Policia shpall në kërkim 'babain'! Në Divjakë po hetohet abuzimi ndaj 38-vjeçarit të sëmurë

Dy ngjarje të njëpasnjëshme të hetuara dhe proceduara penalisht në qarkun e Fierit. Policia nis hetimet, shpall në kërkim 31-vjeçarin e dyshuar. Hetohet edhe 43-vjeçari në Divjakë, priten rezultatet e ekspertimit

Mallakastër, 16-vjeçarja lindi foshnjën, Policia shpall në kërkim 'babain'! Në Divjakë po hetohet abuzimi ndaj 38-vjeçarit të sëmurë

Spitali Fier

Fier-Dy raste abuzimi seksual janë denoncuar në pak orë në Drejtorinë e Policisë së Fierit.

Rasti i parë ka ndodhur në Mallakastër dhe flet për një 16-vjeçare e cila ka pasur marrëdhënie seksuale nëntë muaj më parë me një 31-vjeçar, që e ka lënë shtatzënë dhe para 4 ditësh ajo ka sjellë në jetë foshnjën e saj, fryt të kësaj lidhjeje.

E mitura pretendon se babai i foshnjës është pikërisht 31-vjeçari me inicialet B.H., i cili është shpallur në kërkim. Vajza ka pranuar se ka pasur lidhje intime me të dyshuarin, por nuk ka ende informacione për arsyet pse nuk e ka denoncuar apo raportuar.

Policia vendore konfirmoi rastin dhe nisjen e hetimeve, duke shpallur në kërkim të dyshuarin.

Kurse ngjarja e dytë, edhe më e rëndë, ka ndodhur në qytetin e Divjakës. Një 38-vjeçar me probleme të shëndetit mendor dyshohet se është abuzuar seksualisht nga një tjetër mashkull.

Policia vendore bëri me dije se:

“Referoi materialet në Prokurori, ku nisi procedimi penal për shtetasin Xh. P., 43 vjeç, pasi dyshohet se ka kryer marrëdhënie seksuale me një shtetas 38 vjeç, me probleme të shëndetit mendor”.

Për momentin i dyshuari që mohon krimin, po hetohet në gjendje të lirë, deri në daljen e rezultateve të ekzaminimit dhe ekspertimit.

43-vjeçari ndodhet nën dyshimin për veprën penale të kryerjes së marrëdhënieve homoseksuale, me persona që janë të pazotë fizikisht.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Së shpejti do të merrni një propozim shumë interesant...çfarë kanë rezervuar yjet për sot

Së shpejti do të merrni një propozim shumë interesant...çfarë kanë rezervuar yjet për sot

22 Dhjetor, 07:11