POP 5

Lajmet më të lexuara të 5 minutave të fundit

Politikë

Mallkastër, aksioni i INUK, Berisha:
Dhuna e policisë, skenë horro

Ish-kryeministri Berisha ka denoncuar dhunën e ushtruar nga policia gjatë prishjes së një ndërtese pa leje nga INUK në Mallakastër, në një postim në rrjetin social “Facebook”.
Në shkrimin e tij Berisha e ka cilësuar si një skenë “horror” dhunën e policisë.
Mallkastër, aksioni i INUK, Berisha:<br />Dhuna e policisë, skenë horro
TIRANE- Ish-kryeministri Berisha ka denoncuar dhunën e ushtruar nga policia gjatë prishjes së një ndërtese pa leje nga INUK në Mallakastër, në një postim në rrjetin social “Facebook”.
Në shkrimin e tij Berisha e ka cilësuar si një skenë “horror” dhunën e policisë, ndërsa ka akuzuar kryeministrin Edi Rama, se po shkel vendimin e Gjykatës Kushtetuese duke prishur, siç i cilësoi ai “ndërtimet e emigrantëve”.
 
“Urdhri i Edi Ramës, me të cilin po prishen nën dhunë dhe terror dhjetëra banesa, lokale, më të shumtat të emigrantëve të kthyer në vendin e tyre, të ndërtuara në pronat e tyre, është një krim i vërtetë shtetëror mbasi është në dhunim flagrant të vendimit të fundit të Gjykatës Kushtetuese që ka fuqinë e ligjit kushtetues dhe që ndalon INUK të ndërmarrë akte të tilla. Ndërkohë rriten dhe lartësohen çdo ditë kështjella buze uji e Koços dhe Ramës në Qeparo, për të cilën ka dy vendime prishje por bllokohen nga Rama, dhe kështjellat në rërë të Dakos në Durrës, etj.”shkruan Berisha në postimin e tij.
 
Ish-kryeministri Berisha, në shkrimin e tij shkon më tej duke i bërë thirrje Komitetit të Helsinkit dhe Avokatit të Popullit të reagojnë në lidhje me rastin në fjalë, ndërsa i kërkon Prokurorisë që të dënojë urdhërdhënësit dhe autorët e këtij akti.
 
“Këto operacione horror të Policisë me skafandra, armë gazi lotsjellës dhe shkopinj gome, në të cilat goditen barbarisht fëmijë, gra, burra dhe të moshuar, zhvillohen para kamerave dhe kanë tronditur mbarë opinionin publik. Komiteti i Helsinkit dhe organizata të tjera të të drejtave të njeriut dhe Avokati i Popullit i PS bëjnë sehir dhe heshtin para këtyre akteve çnjerëzore të Policisë së Partisë. I bëj thirrje prokurorisë së shtetit të vendosë para ligjit urdhërdhënësit dhe autorët e këtyre akteve të shëmtuara kriminale ndaj qytetarëve, që në kundërshtim me ligjet e vendit shembin banesat e tyre në legalizim dhe keqtrajtojnë barbarisht ata”, përfundon shkrimi i Berishës në “Facebook”.

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEO/ Armando Broja luan 70 minuta me Everton, futet në fushë dhe bën protagonistin

VIDEO/ Armando Broja luan 70 minuta me Everton, futet në fushë dhe bën protagonistin

29 Nëntor, 18:19