Mallra kontrabantë, korrupsion dhe kalim i kufirit në mënyrë të paligjshme, vihen nën hetim 3 persona në Dibër

Tre persona janë vënë nën hetim nga Policia Kufitare Bllatë, për vepra të ndryshme penale.

Njoftimi i policisë: 

"Në vijim të punës me qëllim parandalimin, evidentimin dhe goditjen e paligjshmërive në kufi, si dhe për ofrimin e procedurave të sigurta dhe të lehtësuara për qytetarët në hyrje/dalje, kanë evidentuar dhe goditur 3 raste të paligjshmërive, si dhe kanë referuar materialet në Prokurori për shtetasit:

LEXO EDHE:
Dibër/ 35 vjeçari aplikon për kredi në emrin e dikujt tjetë përmes degës postare Peshkopi

- S.K., 49 vjeç,  për veprën penale “Korrupsioni aktiv i personave që ushtrojnë funksione publike”. Ky shtetas ka tentuar të korruptojë punonjësin e Policisë duke i ofruar një shumë parash, me qëllim lejimin e kalimit  të fëmijës së tij të mitur.

- A.Gj., 24 vjeç, pasi shërbimet e Policisë në bashkëpunim me degën Doganore Bllatë, kanë ushtruar kontroll në automjetin që drejtohej prej tij dhe i kanë gjetur të fshehura mallra të ndryshëm,  të cilat 24-vjeçari, tentoi ti kalonte kontrabandë.

- A.N., 38 vjeç, pasi është konstatuar duke tentuar të kalojë kufirin në mënyrë të paligjshme.

Kontrollet e shtuara në PKK Bllatë, vijojnë.

Materialet procedurale i kaluan Prokurorisë për veprime të mëtejshme."

Lajmi në përditësim...

M.T/Shqiptarja.com

TAG:
• bllate
• policia kufitare
• Diber