Manastirliu inspekton punimet në maternitetin e ri të Beratit, në ndërtim edhe 4 të tjerë: Gati brenda vitit, do t’i shërbejë banorëve të të gjithë qarkut (VIDEO)

Ministrja e Shëndetësisë dhe Mbrojtjes Sociale Ogerta Manastirliu ka inspektuar punimet për ndërtimin e maternitetit të ri në Berat, një investim i qeverisë shqiptare.

Ministrja Manastirliu ka kërkuar të punohet me ritme më të shpejta, me qëllim përmbylljen e projektit edhe më shpejt se fundi i vitit.

“Ka ecur mirë, por duhet të ecim më shpejt, që të jetë më sa më shpejt, brenda vitit”, tha Manastirliu.

LEXO EDHE:
Grabitet drejtoria e Ujësjellës-Kanalizimeve në Berat! Hajdutët shqyejnë kasafortën dhe marrin 2 mln lekë të vjetra

Duke theksuar se materniteti i ri i Beratit do të ofrojë  shërbim të dedikuar për nënat dhe fëmijët afër vendbanimit, Manastirliu tha se hapësira dhe organizimi do të jenë sipas standarteve më të mira. Materniteti i ri i Berati ka një kapacitet prej 52 shtretër dhe do t’i shërbejë banorëve të të gjithë qarkut.

Përveç maternitetit të ri të Beratit, aktualisht Ministria e Shëndetësisë po investon në ndërtimin e maternitetit të Lezhës, Kukësit dhe ka nisur puna për rikonstruksionin dhe zgjerimin e maternitetit “Mbretëresha Geraldinë” në Tiranë.

J.GJ./b.ha./Shqiptarja.com

TAG:
• ogerta manastirliu
• Berat
• Materniteti i Beratit