POP 5

Lajmet më të lexuara të 5 minutave të fundit

Shëndeti

Manastirliu takim me homologun nga Kosova: Do të intensifikojmë bashkëpunimin në Shëndetësi

Ministrja e Shëndetësisë dhe Mbrojtjes Sociale, Ogerta Manastirliu priti në Tiranë Ministrin e Shëndetësisë së Kosovës, Uran Ismailin. Në qendër të bisedimeve ishin shkëmbimet e ndërsjellta për të zhvilluar sektorin e shëndetësisë.
Manastirliu takim me homologun nga Kosova: Do të intensifikojmë bashkëpunimin në Shëndetësi

Ogerta Manastirliu dhe Uran Ismaili

Ministrja e Shëndetësisë dhe Mbrojtjes Sociale, Ogerta Manastirliu priti në Tiranë Ministrin e Shëndetësisë së Kosovës, Uran Ismailin ku dakordësuan bashkëpunimin dhe shkëmbimet e ndërsjellta sipas përvojave më të mira të secilit shtet, mes të cilave edhe shkëmbimi i ndërsjelltë i mjekëve sipas nevojave 

Në qendër të bisedimeve të zhvilluara në Tiranë ishin shkëmbimet e ndërsjellta për të zhvilluar sektorin e shëndetësisë, me reformat e ndërmarra në të dy shtetet.

Kjo është një mundësi e mirë për të ndarë eksperiencat dhe për të mbështetur njëri-tjetrin në reformimin e sistemit shëndetësor si këtu në Shqipëri ashtu edhe në Kosovë.

Ogerta Manastriliu, ministër

Duke u ndalur në reformat e nisura nga Qeveria shqiptare, jo vetëm sa i takon infrastrukturës shëndetësore por edhe lehtësimit të procedurave burokratike, për të siguruar një shërbim në kohë dhe me cilësi për qytetarët, Manastirliu i ofroi mbështetjen pa rezerva qeverisë së Kosovës, në ndërtimin e institucioneve shëndetësore dhe në reformat e nisura për të kthyer besimin e qytetarëve tek sistemi shëndetësor.

I kam parë me kënaqësi të madhe reformat e mëdha që ka nisur Shqipëria në shëndetësi. Edhe në Kosovë kemi hapur shumë fronte për të zënë hapin në rrugën e reformave dhe përmirësimit të gjendjes në këtë sektor. Prandaj, kjo vizitë ishte një fillim i mirë i bashkëpunimit dhe bashkërendimit të politikave në rrugët tona për të ndryshuar për më mirë gjendjen në shëndetësi.

Uran Ismaili, ministër

Një prej çështjeve të diskutuara, e sanksionuar tashmë edhe në marrëveshjen mes dy shteteve, është shkëmbimi i ndërsjelljtë i mjekëve sipas nevojave të Shqipërisë nga spitalet e Prizrenit dhe Gjakovës për shërbime të caktuara në veri të vendit dhe nga ana tjetër, mjekë të qendrave universitare për të dhënë shërbim në qendrat klinike universitare të Kosovës.

Ministrat e Shëndetësisë të dy vendeve u dakordësuan që pa humbur kohë të nisin bashkëpunimin, në mënyrë që reformat e nisura në shëndetësi, t’i zhvillojnë në bazë të përvojave më të mira që mund të marrin nga njëri-tjetri.

Gjatë vizitës në Shqipëri, delegacioni i Kosovës, zhvilloi disa takime në Qendrën Spitalore Universitare “Nënë Tereza" dhe Fondin e Sigurimit të Detyrueshëm të Kujdesit Shëndetësor për të shkëmbyer përvojat profesionale, posaçërisht në fushën e sigurimeve shëndetësore, për ngritjen e Fondit të Sigurimeve Shëndetësore në Kosovë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Shkodër/ Rijetëzimi i zonës së Zdrales, nis restaurimi i fasadave të banesave

Shkodër/ Rijetëzimi i zonës së Zdrales, nis restaurimi i fasadave të banesave

18 Dhjetor, 15:03