POP 5

Lajmet më të lexuara të 5 minutave të fundit

Politikë

Mandati i kryeprokurores Rama
në vëmendjen e ambasadorëve

Mesditën e sotme ambasadori i OSBE-së në Tiranë, Eugen Wolafrth ka takuar presidentin Nishani. Në të njëjtë kohë, në zyrën e Prokurorit të Përgjithshëm kryeprokurorja Ina Rama ka takuar ambasadorin e BE-së Etore Sequi për mandatin e kryeprokurores dhe kohën kur ai përfundon.
Mandati i kryeprokurores Rama <br />në vëmendjen e ambasadorëve
TIRANE - Ambasadori i BE-së Ettore Sequi është gjendur sot në mesditë në zyrën e Prokurores së Përgjithme Ina Rama. Ndonëse nuk ka një konfirmim zyrtar lidhur me përmbajtjen e takimit, nuk mund të përjashtohet fakti se mes tyre mund të jetë zhvilluar një bisedë për përfundimin e mandatit të kryeprokurores. Megjithatë as prokuroria dhe as ambasada e BE-se nuk kanë bërë publike ende një njoftim zyrtar në lidhje me këtë takim.
Pikërisht në këtë kohë në Presidencë u zhvillua një takim mes presidentit Nishani dhe ambasadorit të OSBE-së Eugen Wollfarth. Sipas njoftimit për shtyp të përcjellë nga presidenca biseda mes dy zyrtarëve  është përqendruar në zgjedhjet parlamentare të 2013-ës dhe nevojën e përgatitjes së një kodi etik që do t’i shërbente shmangies së një gjuhe të papërshtatshme gjatë zhvillimit të fushatës elektorale.

Ndërkohë që burime nga Shqiptarja.com informojnë se në takim është folur dhe për përfundimin e mandatit të kryeprokurores.

Mazhoranca pretendon se mandati i Ina Ramës përfundon në nëntor. Madje gazeta Shqip shkruante pak ditë më parë se  tre krerët e lartë të shtetit, Nishani, kryeparlamentarja  Topalli dhe kryeministri Berisha kanë zhvilluar disa konsulta së bashku për të përcaktuar pasardhësin e Ina Ramës.

Kryeprokurorja u zgodh  më 22 nëntor të 2007-s me 83 vota të mazhorancës dhe opozitës. Dhe pikërisht më 22 nëntor të këtij viti, sipas mazhorancës,  duhet të largohet nga zyra. Ndërkohë që ambasadori i OSBE-se më 12 shtator deklaroi se mandati i përfundon në maj 2013 kur kanë hyrë në fuqi dhe ndryshimet kushtetuese.

Nga ana e tij Anëtari i Kryesisë së Partisë Socialiste, Pandeli Majko akuzoi sot kryeministrin aktual Sali Berisha se po tenton të marrë nën kontroll Prokurorinë e Përgjithshme si institucioni i fundit që ka mbetur i pavarur nga ekzekutivi. Nga Korça, ku zhvilloi një takim electoral me bazën socialiste deputeti, ish kryeministër Pandeli Majko tha sot se Prokuroria e Përgjithshme është ‘thembra e Akilit’ në mirëfunksionimin e shtetit shqiptar dhe opozita do të këmbëngulë që ky institucion të respektohet në pavarësinë e vet.

(Shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30