Manja me krerët e drejtësisë italiane: Na bashkojnë të njëjtat sfida në sundimin e ligjit dhe shtetit të së drejtës

Gjatë vizitës së tij në Itali, ministri i Drejtësisë, Ulsi Manja zhvilloi takime me drejtuesit e sistemit të drejtësisë në Itali. Pëmes një reagimi në rrjete sociale, Manja bën me dije se këtë të martë është takuar me Margherita Cassano, presidenten e Gjykatës së Lartë të Kasacionit dhe Luigi Salvaton, Prokurorin e Përgjithshëm të Italisë.

Ministri shkruan se vizioni me kolegët italianë është i përbashkët në luftën ndaj korrupsionit e krimit të organizuar. Dy vendet siç thekson Manja i bashkon sfida e përbashkët në sundimin e ligjit dhe shtetit të së drejtës.

“Përtej anës zyrtare të takimit, biseda me Margherita Cassano, presidenten e Gjykatës së Lartë të Kasacionit dhe Luigi Salvaton, Prokurorin e Përgjithshëm të Italisë së bashku me kolegët e tyre rrodhi si një takim i zakonshëm pune mes kolegëve me të cilët ndan të njëjtin vizion për bashkëpunimin, luftën kundër korrupsionit dhe krimit te organizuar.

LEXO EDHE:
Begaj merr pjesë në inagurimin e murales së Skënderbeut dhe bashkisë së re të Cerzeto-s

Lidhja jonë me Italinë nuk është vetëm shpirtërore, por në fushën e drejtësisë penale ne kemi adaptuar legjislacionin italian që në fillim të viteve ‘90! Na ndan në mes deti Adriatik, por na bashkojnë të njëjtat sfida në sundimin e ligjit dhe shtetit të së drejtës. Motoja e bashkëpunimit tonë: 2 shtete një magjistraturë që i bën shoqëritë tona me të sigurta dhe më të drejta!”, përfundon njoftimi në rrjetet sociale i ministrit të Drejtësisë Ulsi Manja.

B.K/Shqiptarja.com

TAG:
• itali
• ULSI MANJA