POP 5

Lajmet më të lexuara të 5 minutave të fundit

Arkiva

Maqedoni, ​heshtja zgjedhore, SHBA
dhe BE, thirrje për zgjedhje të lira

Ishte Partia Demokratike Shqiptare e Menduh Thaçit e cila sonte ka mbajtur mitingun e saj përfundimtar për zgjedhjet e parakohshme në Tetovë, të cilat do të mbahen të dielën, ka promovuar kandidatët e kësaj partie në njësinë e 6-të zgjedhore.
SHKUP - Ishte Partia Demokratike Shqiptare e Menduh Thaçit e cila sonte ka mbajtur mitingun e saj përfundimtar për zgjedhjet e parakohshme në Tetovë, të cilat do të mbahen të dielën, ka promovuar kandidatët e kësaj partie në njësinë e 6-të zgjedhore.
 
Para qytetarëve Tetovar, Thaçi tha se ata janë një milion qytetarë dhe se kërkojnë një milion vota nga ta. Ai u premtoi atyre se me ardhjen e PDSH në pushtet ditën e hënë në mëngjes, ende pa dalë drita, do të ndalet zullumi ndaj shqiptarëve.
 
Thirrje për votim kanë bërë edhe kandidatët për deputet nga partitë RDK dhe BDI. E po ashtu edhe dy kandidatët për president, Gjorgje Ivanov nga VMRO-DPMNE dhe Stevo Pendarovski nga LSDM.
 
Sot, ka qenë edhe dita e fundit e fushatës së zgjedhjeve të parakohshme parlamentare dhe balotazhit të zgjedhjeve presidenciale.
 
Ky cikël i dyfishtë zgjedhor për herë të parë mbahet në Maqedoni, dhe me 27 prill qytetarët do të votojnë për listat e partive për deputetë si dhe për listën me dy kandidatët për president të cilët janë në balotazh.
 
Ndërsa në këtë ditë, SHBA dhe BE kanë bërë thirrje për zgjedhje të lira dhe demokratike.
 
“Ditën e diel, qytetarët e këtij vendi do të kenë mundësinë të votojnë për të zgjedhur presidentin dhe përfaqësuesit e tyre në Kuvend. Zgjedhjet e besueshme dhe transparente janë themel i të gjitha demokracive. OSBE/ODIHR do të bëjë vlerësimin e procesit zgjedhor në tërësi, duke u bazuar në standardet ndërkombëtare dhe legjislacionin e vendit”, thuhet në deklaratën e përbashkët.
 
Përfaqësuesit e SHBA-ve dhe të UE-së në Shkup kanë ftuar liderët e partive politike dhe zyrtarët relevantë shtetërorë që të sigurojnë një mjedis ku të gjithë qytetarët do të mund të shprehin vullnetin e tyre në mënyrë të papenguar dhe të lirë, transmeton INA
 
“Shpresojmë se pas zgjedhjeve të së dielës, do të punojmë me liderët e posa zgjedhur dhe me partitë opozitare në përforcimin e dialogut politik, duke u përqendruar në prioritetet kyçe të reformave dhe duke lëvizur vendin përpara në rrugën e integrimit euro-atlantik”, thuhet në deklaratën e përbashkët të misionit të SHBA-ve dhe Bashkimit Evropian në Maqedoni.
 
Marrë nga Kosova Press

Redaksia online
(ac/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Francë/ Përplasen rëndë dy tramvaje në Strasburg, 30 të plagosur (VIDEO)

Francë/ Përplasen rëndë dy tramvaje në Strasburg, 30 të plagosur (VIDEO)

11 Janar, 16:44