Maqedonia e Veriut/ Konfirmohet viktima e tretë nga COVID-19, shkon në 177 numri i të infektuarve

Maqedonia e Veriut/ Konfirmohet viktima e tretë nga COVID-19, shkon në 177 numri i të infektuarve

Foto ilustruese

Ministri i Shëndetësisë i Maqedonisë së Verut, Venko Filipçe, konfirmoi vdekjen e tretë nga COVID-19 në vend.

Disa orë më parë, në Klinikën e Sëmundjeve Infektive në Shkup ka humbur jetën një paciente nga Dibra, e cila kishte qenë në aparat të frymëmarrjes për një kohë më të gjatë.

"Përkundër të gjitha përpjekjeve të mjekëve, infermierëve dhe kujdesit intensiv, ajo për fat të keq vdiq sot, disa orë më parë. Ishte 66 vjeçe dhe në histori kishte të dhëna se ka marrë terapi të hipertensionit kronik”, tha ministri Filipçe.

Ai gjithashtu deklaroi se në 24 orët e kaluara, deri në orën 12:00 të ditës së sotme, ka pasur gjithsej 29 raste të reja të infeksioneve, edhe atë 20 në Shkup, 3 në Kumanovë, 3 në Veles, 2 në Prilep dhe 1 në Dibër.

Me rastet e reja, numri i përgjithshëm i të infektuarve me COVID-19 në Maqedoninë e Veriut ka shkuar në 177.

Ministri tha gjithashtu se 5 pjesëtarë të stafit mjekësor në Klinikën e Sëmundjeve të Lëkurës kanë rezultuar pozitiv në COVID-19.

Nga 29 raste të reja, 5 janë nga Klinika e Sëmundjeve të Lëkurës, të cilët pas 16 ditëve të kaluara në izolim pa ndonjë simptomë, në mostrat e marra, kanë rezultuar pozitivë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet