Maqedonia e Veriut me 350 milionë euro paketë anti-krizë, Kovaçevski: Mbështesim shtresat në nevojë

Maqedonia e Veriut me 350 milionë euro paketë anti-krizë, Kovaçevski: Mbështesim shtresat në nevojë

Dimitar Kovaçevski

Qeveria e Maqedonisë së Veriut ka miratuar një sërë masash të reja për përballimin e krizës energjetike dhe të çmimeve, në vlerë mbi 350 milionë euro.

Kryeministri Dimitar Kovaçevski është shprehur se inflacioni dhe kriza energjetike që ka tronditur Maqedoninë e veriut po sjell pasoja të ngjashme me të gjithë Evropën.

Fillimisht qeveria e Maqedonisë së Veriut mori masa për të ngrirë çmimet e produkteve të shportës, por kjo ishte politik e gabuar sipas kryeministrit, ndërsa sytë kthehen drejt subvencionimit.

Në këto kushte 42 mijë qytetarë, në ndihmë sociale do të marrin nga 3 mijë denarë në 4 muajt e ardhshëm, në një total prej 12 mijë denarësh, ekuivalentin e 200 eurove.

Ndërkohë subvencione do të ketë edhe për pensionistët me 100 euro në 4 muaj. Nga kjo masë preken 156 mijë pensionit në shtetin fqinj. Paketa që arrin vlerën e 350 milionë eurove sipas qeverisë maqedonase do të ketë subvencione edhe për faturat e energjisë elektrike për familjet, por edhe për kompanitë.

Ndërsa 52 milion euro do të shkojnë për bujqit. Parimi kryesor i pakos anti-krizë është që kostot e produkteve të shportës të mos rriten më tutje. Në dispozicion janë vënë edhe fonde për bizneset që kanë mungesë likuiditeti.

Në konferencën për shtyp kryeministri Kovaçevski bëri me dije se nga fillimi krizës janë ndarë rreth 750 milionë euro për mbështetjen e qytetarëve.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri