X

POP 5

Lajmet më të lexuara të 5 minutave të fundit

Kosova & Rajoni

Maqedonia e Veriut merr kryesimin e OSBE-së, ja cilat do jenë prioritetet kryesore

Maqedonia e Veriut nga sot nis kryesimin e Organizatës për Siguri dhe Bashkëpunim në Evropë (OSBE). Ministri i Jashtëm tha se fokusi kryesor do të jenë misionet në terren dhe siguria e njerëzve. 

 
Maqedonia e Veriut merr kryesimin e OSBE-së, ja cilat do jenë prioritetet kryesore

Flamujt e shteteve anëtare të OSBE

Maqedonia e Veriut nga sot nis kryesimin e Organizatës për Siguri dhe Bashkëpunim në Evropë (OSBE). Ministri i Jashtëm tha se fokusi kryesor do të jenë misionet në terren dhe siguria e njerëzve. 

“Fokusi ynë, si vend kryesues, do të jenë misionet në terren. Do të ndërmarrim dhe mbështesim aktivitete specifike që synojnë lehtësimin e jetës së njerëzve, promovimin e të drejtave dhe lirive të tyre”, u shpreh Bujar Osmani – ministër i Punëve të Jashtme.

Ai bëri me dije se përveç përqendrimit në rajonet e krizës dhe mbi të gjitha agresionit ushtarak kundër Ukrainës, prioritetet e Maqedonisë së Veriut si kryesuese do të jenë ri-afirmimi i përfitimeve të OSBE-së dhe rivendosja e dialogut dhe besimit.

“2023 do të jetë vit i rëndësishëm për pozitën ndërkombëtare të Republikës së Maqedonisë së Veriut. Forcimi i profilizimit ndërkombëtar nënkupton një investim afatgjatë në zhvillimin ekonomik, mundësi të reja për të rinjtë dhe stabilitet. Në kushtet e luftës në rajonin e OSBE-së dhe marrëdhënieve komplekse politike midis vendeve pjesëmarrëse, ne do të fokusohemi në uljen e tensioneve, rivendosjen e besimit, prosperitetit dhe sigurisë së përgjithshme të njerëzve”, u shpreh Osmani për mediat maqedonase. 

Më herët, edhe Shqipëria ka kryesuar OSBE-në, që nga 1 janari i vitit 2020 deri në janar të vitit 2021. Po ashtu edhe mandate i Maqedonisë në krye të organizatës do të jetë 1 vjeçar.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Dumani hedh poshtë deklaratat e Ilir Metës: S'e kam njohur kurrë McGonigal, as s'kam pasur arsye ta takoj! Gjithçka, vijim i akuzave të pabaza

Dumani hedh poshtë deklaratat e Ilir Metës: S'e kam njohur kurrë McGonigal, as s'kam pasur arsye ta takoj! Gjithçka, vijim i akuzave të pabaza

16 Prill, 14:17