POP 5

Lajmet më të lexuara të 5 minutave të fundit

Kosova & Rajoni

Maqedonia e Veriut në zi për viktimat e zjarrit në Tetovë! Prokuroria nis hetimet në lidhje me ndërtimin e spitalit

Prokuroria e Tetovës nis hetimet në lidhje me shkaqet e zjarrit në Spitalin COVID, ndërkohë që disa nga familjarët përgatiten të përcjellin për në banesën e fundit viktimat e zjarrit të para dy ditëve.

Maqedonia e Veriut është ngritur në zi, me flamuj të ulur në gjysëm shtizë në nderim të 14 viktimave të zjarrit të dy ditëve më parë në Spitalin ku trajtoheshin të infektuarit me COVID-19. 

Mes viktimave nga zjarri në Spitalin Modular të Tetovës tetë janë gra dhe gjashtë burra, të moshës nga 29 deri në 78 vjeç. Prej tyre 12 ishin pacientë në spitalin e COVID. Ndërsa 2 viktimat e tjera ishin familjarë të pacientëve, bashkëshortja e një pacienti dhe vajza e një pacienteje. Për disa prej viktimave ceremonia mortore do të mbahet në orën 14, mes dhimbjes dhe lotëve. Ditën e shtunë është planifikuar edhe një marshim në ndër të viktimave nga zjarri.

 

 

Për praninë e familjarëve të pacientëve në Spitalin infektiv, prokuroria ka nisur hetimet. Të përballur edhe më akuza të shumta për parregullsi në procesin e ndërtimit të spitalit prokuroria i ka dhënë urdhër SPB-Tetovë për marrjen e dokumentacionit të plotë lidhur me ndërtimin e spitalit modular, si nga vetë spitali, ashtu edhe nga personi juridik, realizues i punëve ndërtimore. Prokuroria Themelore në Tetovë, në bashkëpunim me Prokurorinë Themelore-Shkup, ka ndërmarrë masat dhe aktivitetet e domosdoshme për kontrollimin e lëshimeve eventuale gjatë punës, mes tjerash edhe lëshimeve në sferën e mbrojtjes kundër zjarrit.

Në përpjekje për të marrë një përgjigje të shpejtë në lidhje me atë së çfarë ka ndodhur, qeveria e Maqedonisë së Veriut do të angazhojë ekspertë të huaj për të hetuar.

Ndërkohë që kërkesat për dorëheqjen e Ministrit të Shëndetsisë Venko Filipçe dhe kryetares së Komunës së Tetovës Teuta Arifi po rriten orë pas ore.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03