Maratona/ Presidenti i Federatës së Atletikës për Report Tv: 1 mijë atletë të huaj, gara promovim edhe për Tiranën

Presidentit të Federatës Shqiptare të Atletikës, Taulant Stërmasi në një intervistë për Report Tv, foli për organizmin e Maratonës së Tiranës, eventi sporti më i madh në kryeqytet. Ai tregon se këtë vit janë rreth 5 mijë pjesëmarrës që kanë marrë pjesë në maratonë, ku rreth 1 mijë prej tyre janë të huaj.

Për gazetarin Ernest Koçi, Stërmasi thotë se këtë vit janë rreth 40% më shumë garues në maratonën kryesore 42 km dhe gjysmë maratonën 21 km. Ai thotë se vitin tjetër shpreson që shpërblimi për fituesit të jetë më i madh.

“Detyra jonë është të lodhemi shumë dhe njerëzit ta kalojnë festë. Vrapimi s’duhet të jetë vetëm për elitarët, por edhe për amatorët, qytetin e Tiranës edhe 1 mijë të huaj që sot kanë ardhur për të respektuar qytetin por edhe Maratonën e Tiranës. Gara po shkon jashtëzakonisht mirë, s’kemi asnjë incident. 25% të nivelit total më shumë dhe 35-40% më shumë në nivel të maratonës dhe gjysmë maratonës. Ata jo vetëm po vrapojnë sot, por po shohin dhe gjithë Tiranën”, tregon ai.

LEXO EDHE:
Tiranë/ Vetura del nga rruga dhe bie në Lanë, Policia nuk gjen askënd brenda makinës! Nisin hetimet

Stërmasi flet edhe vështirësitë e organizmit të maratonës ndër vite, ndërsa sot shënohet edicioni i tetë. Për Stërmasi, ky event sportiv synon edhe promovimin e Tiranës.

“Viti i parë ka qenë shumë i vështirë, më të vështirë e kishim me qytetarët e Tiranës që të rrinin në shtëpi ose të brohorisnin, po ishin të gjithë në rrugë. Vitin e dytë filluan ta kuptojnë dalëngadalë, tani s’kemi asnjë lloj problemi me qytetin, qyteti jo vetëm që po i pranon të gjithë vrapuesit, por pjesa kryesor edhe merr pjesë ose si tifoz, por edhe si vrapues. Jemi shumë më mirë se ç’kemi qenë dhe uroj që vitin tjetër të kemi tjetër nivel që jo vetëm në pjesëmarrje, edhe organizim, por edhe shpërblime më të mëdha, që të kemi pjesëmarrje më të madhe të nivelit elitar. Fokusi kryesor është që Tirana të vrapojë dhe gjithë Shqipëria të vrapojë në Tiranë se është destinacion”, vijoi Stërmasi për Report Tv.

Lajmi kryesor:

Lista e plotë e fituesve/ Maratona e Tiranës, rreth 4 mijë pjesëmarrës! Gega rekord kombëtar: Shqiptarët më dhanë forcë! Dominojnë kenianët (VIDEO)

SI.E./S.B/Shqiptarja.com

TAG:
• taulant stermasi
• Maratona e Tiranës
• Tirane