Mariupol: 5 mijë viktima që nga fillimi i luftës, 210 prej tyre fëmijë

“Vetëm sipas vlerësimeve paraprake, në muajin e pushtimit në Mariupol kanë vdekur 5000 persona, nga të cilët rreth 210 fëmijë”. Kështu deklaroi kryetari i qytetit të Ukrainës juglindore , Vadym Boychenko, në lidhjen video me një tryezë të rrumbullakët mbi "Pasojat politike dhe ligjore të krimeve të Federatës Ruse kundër Ukrainës", siç raportohet në Telegram nga Komuna e Mariupolit.

Kryebashkiaku foli për "shkatërrim të qëllimshëm të popullatës civile", duke përmendur si shembuj faktin se "forcat terroriste ruse hodhën disa bomba të rënda mbi një spital për fëmijë dhe shkatërruan një nga ndërtesat e spitalit të parë të qytetit. Gati pesëdhjetë njerëz u dogjën të gjallë. Teatri i artit dramatik u bombardua, ku në atë moment më shumë se nëntëqind njerëz fshiheshin nga bombardimet”.

Sa i përket dëmeve materiale, sipas administratës, “më shumë se 90% e infrastrukturës së qytetit është shkatërruar. Dhe nga këto, të paktën 40% janë të pakthyeshme”.

Lajmi kryesor:

Lufta/ Kievi: 400 të zhdukur në Hostomel! Putin: Ukrainasit na provokuan në Bucha, s’kemi qëlluar civilë! Pentagoni: Rusët janë tërhequr nga Kievi dhe Kharkivi, trupat zhvendosen në lindje

J.GJ./Shqiptarja.com

TAG:
• rusia sulmon ukrainen
• Rusi
• ukraine